Улаанбаатар хот — Монголын орчин үеийн хөгжмийн хамгийн нэр хүндтэй наадмуудын нэг Хуур Music Festival (XMF) энэ жил 10 жилийн ойгоо тэмдэглэж, хүрээгээ тэлэн илүү өргөн цар хүрээтэй зохион байгуулагдахаа албан ёсоор зарлалаа. 

2017 оноос хойш Хуур Music Festival нь Монголын орчин үеийн хөгжмийн соёлд хувь нэмэр оруулах, залуу үеийн хөгжмийн сонирхлыг дэмжих, уран бүтээлчдийг үзэгчидтэй нь ойртуулах зорилгоор Төв цэнгэлдэх хүрээлэнд жил бүр тасралтгүй зохион байгуулагдаж ирсэн. Тус наадам жил бүр 1–2 өдрийн амьд хөгжмийн хөтөлбөртэй зохион байгуулагдаж, Монголын хөгжмийн салбарын чухал арга хэмжээнүүдийн нэг болж хөгжсөн юм. 

Харин 2026 оноос эхлэн наадам шинэ шатанд гарч, байршлаа анх удаа Гачуурт дахь Монгол Шилтгээн рүү шилжүүлж, задгай талбайн camping format-аар бүтэн хоёр өдрийн турш үргэлжлэх олон улсын хэмжээний хөгжмийн наадам болон өргөжиж байна. 

XMF 2026 наадам 2026 оны 6-р сарын 26, 27-ны өдрүүдэд зохион байгуулагдах бөгөөд Монголын рок, поп, альтернатив болон орчин үеийн хөгжмийн урсгалын тэргүүлэгч уран бүтээлчид болох The HU, Хурд, Харанга, Никитон, Нисванис зэрэг хамтлагууд XMF-ийн тайзнаа нэгдэж байгаагаараа онцлог юм. 

Үүнээс гадна олон улсын уран бүтээлчид урилгаар оролцоно. Тухайлбал: 

• ОХУ-аас AIGEL 
• Казакстан улсаас Yenlik, Akha 
• БНХАУ-аас Nine Treasures 

Эдгээр уран бүтээлчдийн оролцоо нь XMF-ийг бүс нутгийн хэмжээнд анхаарал татахуйц олон улсын амьд хөгжмийн наадам болж буйг илтгэж байна. 

Зохион байгуулагчдын мэдээлснээр Хуур Music Festival ирэх 5 жилийн хугацаанд Монгол Шилтгээнд тогтвортой зохион байгуулагдах төлөвлөгөөтэй бөгөөд жил бүр чанар, цар хүрээгээ нэмэгдүүлж, олон улсын түвшний фестиваль болгох зорилт тавин ажиллаж байна. 

Хуур Music Festival нь Монголын уран бүтээлчдийг дэмжих, тэдний уран бүтээлийг илүү өргөн хүрээнд хүргэх зорилготой бөгөөд энэ жилийн хөтөлбөрт амьд хөгжмийн тоглолтоос гадна соёл, энтертайнмент, чөлөөт цагийн олон төрлийн үйл ажиллагаа багтахаар төлөвлөгдөж байна. 

Мөн наадамд хүрэлцэн ирэх үзэгчдийн тав тухыг хангах үүднээс дэд бүтэц, тээвэр, camping болон амарч байрлах хэсгүүдийг тусгайлан тохижуулж, бүх насныханд зориулсан баялаг хөтөлбөрүүдийг бэлтгэж байгаа тул гэр бүл, найз нөхдөөрөө ирж оролцоход ээлтэй наадам байхыг зохион байгуулагчид онцоллоо. 

Наадмын дэд хөтөлбөрүүд болон нэмэлт мэдээллийг XMF-ийн албан ёсны сошиал сувгууд болон вебсайтаар тун удахгүй олон нийтэд хүргэх болно. 

Хуурын эгшиг, орчин үеийн хөгжмийн хэмнэл, зүрх сэтгэлийг догдлуулах тэр нэгэн зуны мартагдашгүй дурсамжийг XMF 2026 дээр хамтдаа бүтээцгээе. 

Холбоо барих Хуур Music Festival (XMF) 

🌐 Вебсайт: https://xmf.mn⁠  

📘 Facebook: https://www.facebook.com/xmfmongolia⁠  

📸 Instagram: https://www.instagram.com/xmfofficial/⁠