Оросын шинэ хий-дизель хөдөлгүүрт зүтгүүр нэг удаад 7100 тонн нүүрс тээвэрлэх хүчин чадалтай. 

Энэ оны хоёрдугаар сард Оросын анхны гурван секцтэй хий-дизель зүтгүүр 3ЭТ30-ыг  угсарч эхэлжээ.

Шинэ зүтгүүрийг Оросын дотоодын хэд хэдэн үйлдвэр хамтран бүтээж байна. Эхний туршилтын загварыг Брянскийн машин үйлдвэрлэлийн үйлдвэрт угсарч байна. Энэх зүтгүүр нь дизель түлш, байгалийн хийгээр ажиллах боломжтой, 7100 тонн хүртэлх жинтэй ачааны галт тэрэг чирэх хүчин чадалтай.

Зохион бүтээгчдийн мэдээлснээр, шинэ хий-дизель зүтгүүрийг 3300 кВт хүчин чадалтай дотоодын хүчний суурилуулалтаар тоноглоно. Одоогоор 16ГДГ хий-дизель генераторыг зохион бүтээсэн нь туршилтын шатанд байна.

Зүтгүүрийн шинэ дугуй-хөдөлгүүрийн блокуудыг Новочеркасскийн цахилгаан зүтгүүрийн үйлдвэрт үйлдвэрлэж байна. Шинэ зүтгүүрийн үндсэн зангилаануудыг Оросын цувралаар үйлдвэрлэдэг цахилгаан зүтгүүрүүдтэй  нийцэхүйц, нэгдмэл, ижил стандартаар, нэг загвартай хийжээ. 

Мөн дотоодын  шинэ микропроцессорт удирдлагын систем, үндсэн системүүдийн нөөцлөлтийн шийдэл ашигласан.

Хий-дизель зүтгүүрийг ашигласнаар түлш хэмнэж, байгаль орчинд үзүүлэх нөлөөг бууруулах боломжтой. Шинэ зүтгүүрийн анхны туршилтын загвар энэ онд бэлэн болно гэж ОХУ-ын ЭСЯ мэдээлэв.