“Оюу толгой” компанийн гүйцэтгэх захирал С.Мөнхсүх Аж үйлдвэр, эрдэс баялгийн сайд Г.Дамдиннямаар ахлуулсан Засгийн газрын хэлэлцээрийн баг, Тим Уилкоксоор ахлуулсан Рио Тинтогийн хэлэцээрийн багийг Оюу толгойн уурхайн цогцолбортоо өнөөдөр хүлээн авчээ.
 
Тэдэнд уурхайн үйл ажиллагаа, бүтээн байгуулалттай танилцуулжээ.
 
Энэ үеэрээ Оюу толгойн барьж байгуулсан гүний уурхайн дэд бүтцийг ашиглан “Онтрэ” компанийн эзэмшил бүхий лицензийн талбайг олборлох нь бүх талуудад харилцан ашигтай шийдэл гэжээ. "Онтре” компанийн эзэмшдэг Шивээ толгойн лицензийн талбай нь Оюу толгойн гүний уурхайн олборлолт хийж буй Хойд Хюго ордын үргэлжлэл хэсэг буюу газрын гүнд сунаж тогтсон нэг хүдрийн биет юм байна.