АНУ, Израил Ираны эсрэг арав дахь өдрөө дайтаж байна. Үүний уршгаар газрын тосны үнэ нэг баррель нь 100 ам.долларыг давж, Азийн хөрөнгийн зах зээлд үнэ унажээ.

Брэнт төрлийн газрын тос өнгөрсөн долоо хоногийг 92 ам.доллараар хаасан ч өнөөдөр 109 ам.доллар болов. Үнэ 20 хувиар өссөн нь хөрөнгийн биржүүдэд сөргөөр нөлөөллөө. 

Японы Никкей 225 индекс 5 хувиар, Австралийн ASX 200 индекс 3.5 хувиар унасан бол Өмнөд Солонгосын Коспи 8 хувиар буурсан тул гүйлгээг зогсоожээ.

Ойрх Дорнод дэлхийн газрын тосны гол нийлүүлэгч бүс юм. Иран Булангийн орнуудын газрын тос, байгалийн хийн байгууламжууд руу агаараас дайрсан. Иймд Катар үйлдвэрлэлээ зогсоожээ. Мөн Ираны хяналт доорх Ормузын хоолойгоор нэвтрэх тээврийн хөлгийн тоо буурсан тул байгалийн хийн үнэ ч өссөн. 

Брэнт газрын тосны дундаж үнэ 2022.01.01-нээс хойш алгуур буурч, 58 ам.долларт хүрч байв. АНУ үнийн өсөлтөөс сэргийлэхийн тулд ОХУ-ын газрын тосны эсрэг хоригоо түр хугацаагаар сулруулав. 

Тус улсын Сангийн яам энэ сарын 6-нд Энэтхэг ОХУ-аас газрын тос импортлох явцыг хөнгөрүүлсэн шийдвэр гаргажээ. 

Эх сурвалж: BBC