Монгол Улсад агаарын чанарын хяналт шинжилгээг 1976 оноос хийж эхэлсэн бөгөөд хот суурин газрын агаар дахь хүхэрлэг хий, азотын давхар ислийн агууламжийг нойтон химийн аргаар тодорхойлж иржээ. 

Агаар дахь хүхэрлэг хийн агууламжийг тодорхойлоход мөнгөн усны ислийг ашигладаг бөгөөд энэ нь хор аюулын зэрэглэлээр хүний эрүүл мэнд болон байгаль орчинд нөлөөлөх байдлаар 4-р зэрэглэл буюу маш хортой, амь насанд аюултай бодис юм.

Улаанбаатар хот болон 21 аймгийн төвд мэдээллийн технологид суурилсан орчны агаарын чанарыг хянах автомат станцыг суурилуулах төслийг хэрэгжүүлснээр Улаанбаатар хот болон 21 аймгийн төвийн агаарын чанарыг автомат багажаар тасралтгүй хэмжиж эхэлсэн. Ингэснээр агаарын чанарыг тодорхойлоход ашигладаг байсан мөнгөн усны ислийг хэрэглээнээс халсан байна. 

Монгол Улсын Их Хурлаас дэлхийн 140 гаруй орон нэгдсэн мөнгөн усны хэрэглээг халах Минаматагийн конвенцыг 2015 онд соёрхон баталсан байдаг.