Монгол Ардын Нам-ын Бага хурал хуралдах гэж байгаатай холбогдуулан намын гишүүн Д.Ганмаа мэдээлэл өглөө.

Тэрбээр хэлэхдээ, намын Эрүүл мэндийн бодлогын хороог ахалж буй хүний хувьд хэд хэдэн зорилт дэвшүүлсэн. Нэгдүгээрт, намын мөрийн хөтөлбөрийн хэрэгжилт, уялдаа холбоо, бодлогын хүрээний дүгнэлтүүдийг нэгтгэнэ. Мөн цаашид олон улсын түвшинд харьцуулахуйц, шинжлэх ухаанд суурилсан мэдээллийн сан бүрдүүлэхэд анхаарч ажиллана.

Түүнчлэн эрүүл мэндийн тусламж, үйлчилгээний асуудлыг цогцоор нь авч хэлэлцэж, шинэ шатанд гаргах зорилт тавьсан. 

Намын мөрийн хөтөлбөрт удирдлагын тогтолцоог боловсронгуй болгож, эрх зүйн орчныг сайжруулахаар тусгасныг эрүүл мэндийн тогтолцооны бусад шинэчлэлтэй уялдуулан хэрэгжүүлнэ гэв.