Эдийн засгийг нуруундаа үүрч буй уул уурхайн салбарын төр, хувийн хэвшил, иргэний нийгмийн байгууллагын төлөөллүүд нэгэн дор цуглаж “гацаа”-нд орсон салбарынхаа зовлон, бэрхшээлээ хуваалцлаа.

Энэ үеэр салбарын сайд Г.Дамдинням хуулийн төсөлтэй холбогдуулан “Ухаад гаргадаг биш боловсруулаад явдаг концефц тусаж байгаа. Боловсруулах тусам чамд ашигтай. Харин одоо мөрдөж буй хууль эрхзүйн орчин бол боловсруулах тусам чамд ашиггүй. Ух-ач-гарга. Ийм л хууль байгаа. Үүнийг болиулна. 

"УУЛ УУРХАЙН ҮЙЛДВЭРЛЭЛ, ХАЙГУУЛ, ОЛБОРЛОЛТЫГ ДЭМЖСЭН ОРОН НУТАГТ ИЛҮҮ БОЛОМЖ ОЛГОНО"

Улсын хэмжээнд зогссон 47 үйлдвэрийг ашиглалтад оруулж, тоог нь хоёр дахин өсгөнө. Үүнийг АМНАТ-ийн бодлогоор дэмжинэ. Хоёрт, уул уурхайн хариуцлагатай /тодотголтой/ үйлдвэрлэл, хайгуул, олборлолтыг дэмжиж байгаа орон нутаг илүү түлхүү боломжийг авна. Болдог юм байна, зөвийг харуулж чадаж байгаа бол явна. Хулгай хийгээд, зугтааж хүний сэтгэлээр хандаж байгаа төслүүдийг зогсооно” хэмээв.

Үргэлжлүүлэн  “Ашигт малтмалын тухай хуульд нэмэлт өөрчлөлт оруулах тухай хуулийн төслийн урьдчилсан хэлэлцүүлэг явж байгаа учраас эцэслэгдсэн юм шиг битгий их нэгэн лүүгээ дайраарай. Мөн та бүгдийг зориулж нэг дор цуглуулж ярилцаж байгаа юм.

Ийм хэлэлцүүлэг олон болно, бүх оролцогч талыг сонсоно” хэмээсэн юм. Мөн “Галтай сэдэв гээд зугтааж болохгүй. Салбар маань хэтэрхий хойш хоцрогдоод байна” гэж тодотголоо.

Уул уурхайн салбар нь:

• дотоодын нийт бүтээгдэхүүний 26 хувь,
• аж үйлдвэрийн нийт бүтээгдэхүүний 79 хувийг 
• экспортын нийт орлогын 95.4 хувь,
•  гадаадын шууд хөрөнгө оруулалтын 74 хувь
• нэгдсэн төсвийн орлогын 28.4 хувийг тус тус бүрдүүлж байгаа аж.

Эх сурвалж: АҮЭБЯ