Ардчилсан намаас “4:11 мэдээллийн цаг” хэвлэлийн хурал хийлээ. Энэ үеэр ерөнхийлөгчийн сонгуулийн нэр дэвшигчийн талаар асуусан сэтгүүлчийн асуултад Ардчилсан Намын Ерөнхийн нарийн бичгийн даргын албан үүргийг түр орлон гүйцэтгэгч Д.Амарбаясгалан хариулав.

Тэрээр хэлэхдээ, Ардчилсан намын дүрэм шинэчлэгдсэн. Дүрмийн хүрээнд сонгуульд нэр дэвших хүсэлтээ илэрхийлэх хугацаа 2026 оны тавдугаар сард эхэлнэ. Үүнтэй зэрэгцээд 2027 оны Ерөнхийлөгчийн сонгууль болон 2028 оны УИХ-ын сонгуульд нэр дэвшигчид байр сууриа илэрхийлнэ. Нэр дэвших эрх нээлттэй гэв.