Хугацаат цэргийн алба хааж буй дайчид мэргэжил эзэмшүүлэх сургалтад сууж байна. Цэрэгт татагдсан залуус цэргийн эрдэмд суралцахаас гадна хөдөлмөрийн зах зээлд эрэлттэй мэргэжлүүдийг сонгон суралцаж, мэргэжлийн үнэмлэхтэй төгсөх юм. 
 
Зэвсэгт хүчний 014-р анги нь Налайх дүүрэг дэх Налайх политехникийн коллежтой хамтран ажиллах гэрээний дагуу 60 алба хаагчаа гагнуурчин, тогооч, замчин, хүнд машин механизмын оператор мэргэжлээр суралцуулж байна.

Тус коллежийн захирал С.Мөнхбат, Манай сургуульд ЗХАШ-тай 2017 оноос  хамтран ажиллаж, 400 орчим хугацаат цэргийн алба хаагчид мэргэжил эзэмшүүлэх сургалт явуулсан. Энэ хичээлийн жилд 014-р  ангийн дөрвөн мэргэжлээр 60 дайчныг дөрвөн мэргэжлээр сургалтад хамруулж байна.

Цэргийн алба хаагчид суралцахын давуу тал хичээл тасална, хоцорно гэж байхгүй, анхаарал төвлөрөх нь маш сайн, хичээлийн хоцрогдолгүй учир сургалтын чанарт ч сайнаар нөлөөлдөг гэв.