2018 оны 10-р сарын 15-аас эхлэн богино хугацааны Шенгений визийн мэдүүлгийг хүлээн авах нөхцөлийг өргөжүүлэн Улаанбаатар хот дахь Визийн төвөөр дамжуулан виз мэдүүлэх боломжтой боллоо. 

Монгол Улсад суугаа Бүгд Найрамдах Чех Улсын Элчин сайдын яам энэ сарын 15-аас эхлэн богино хугацааны Шенгений виз мэдүүлэгчдэд - Монгол Улсад суугаа Бүгд Найрамдах Чех Улсын Элчин сайдын яаманд өнөөдрийг хүртэлх мөн цаашид ч хүчин төгөлдөр байх богино хугацааны болон оршин суух төрлөөр ярилцлагын тов олгох бүртгэлийн системээс гадна – Улаанбаатар хот дахь Визийн төвөөр дамжуулан виз мэдүүлэх боломжийг нэвтрүүлж байна.

Хэрэв виз мэдүүлэгч Визийн төвөөр дамжуулан визээ мэдүүлэхээр шийдвэл визийн хураамжаас гадна визийн төвийн үйлчилгээний төлбөрийг барагдуулна. 

Үүнтэй холбогдуулан Элчин сайдын яамны Визийн хэлтэс ярилцлагын тов олгох хүчин төгөлдөр бүртгэлийн системээр дамжуулан долоо хоног бүр олгож байсан богино хугацааны Шенгений визийн 54 квотыг багасгаж 10 квот болгон өөрчилж байгаа болно. 

Монгол Улсад суугаа Бүгд Найрамдах Чех Улсын Элчин сайдын яамны Визийн хэлтсээр дамжуулан богино хугацааны Шенгений виз болон оршин суух төрлөөр виз мэдүүлэх зааварчилгааг Элчин сайдын яамны цахим хуудаснаас хүлээн авна уу.

Эх сурвалж: Бүгд Найрамдах Чех улсын ЭСЯ