14.00 цаг. Засгийн газрын ээлжит хуралдаан эхэллээ. Хуралдаанд Ерөнхий сайд болон Байгаль орчин, уур амьсгалын өөрчлөлтийн сайд С.Одонтуяа нар цахимаар оролцож байна. 

Хуралдаанаар Монгол Улсын 2025 оны Төсвийн тухай хуулийн төсөл болон бусад 10 гаруй асуудлыг хэлэлцэнэ. 

Засгийн газрын ээлжит хуралдаан өнөөдөр /2024.12.04/14.00 цагт эхэлнэ. Монгол Улсын Ерөнхий сайд Л.Оюун-Эрдэнэ Саудын Арабын Хаант Улсын Эр-Рияд хотноо болсон “Усны Дээд түвшний уулзалт” (One Water Summit)-д оролцож буй юм. Ерөнхий сайдыг дагалдан энэ уулзалтад чиг үүргийн гурван сайд томилолтоор явж байна. 

Ерөнхийлөгчийн бүхэлд нь тавьсан хориг болон өгсөн чиглэлийн дагуу Засгийн газар 2025 онд алдагдалгүй төсвийн төслийг УИХ-д өргөн мэдүүлэх үүрэг хүлээгээд байна. Хоригт нийцүүлэн Засгийн газрын боловсруулж мэдүүлсэн төсвөөс 1.9-2.4 их наяд хүртэл төгрөгийн таналт хийхээр болоод байгааг УИХ-ын өчигдрийн чуулганаар гишүүд хэлж байв. 

Ирэх оны төсвийг хуулийн хугацаандаа буюу 12-р сарын 10-ны батлах тул цаг хугацаа шахуу энэ үед Ерөнхий сайд гадаадад яваа ч Засгийн газраа удирдан хуралдуулахаар болжээ.