МБШТөв-Гандантэгчэнлин хийдийн Тэргүүн их хамба Д.Жавзандорж, дэд хамба, гавж С.Гантөмөр тэргүүтэй Монгол лам нарын төлөөлөл Япон улсын Фукуока хотын Буддагийн шашины  Нанзоё-ин, Рэйзан-сэннонжи хийдийн лам нар болон Японы Шинто шашины Момижи-Хачимангү хийдийн лам нартай хамтран Их Монгол улсын Юуан гүрний цэрэг Японы аралд халдан довтолсоны 750 жилийн ойн хүрээнд энэхүү тулаанд амь үрэгдсэн хоёр орны цэрэг дайчид энгийн иргэдийн дурсгалд зориулсан Энхтайваны мөргөл үйлдэх ёслол 2024 оны 10 дугаар сарын 20-ны өдөр боллоо.

Тус мөргөлийн зорилго нь даян дэлхийн бүхий л ард түмэн үеийн үед дайн дажингүй энх тайвнаар зэрэгцэн оршиж, амар амгалантай аж төрөхийн төлөө юм.

Энэхүү арга хэмжээнд Монгол улсаас Япон улсад суугаа онц бөгөөд бүрэн эрхт элчин сайд Б.Баярсайхан тэргүүтэй албаны хүмүүс, МБШТөв-Гандантэгчэнлин хийд, Хамарын хийд, Дархан хотын лам нарын төлөөлөл болон зочид төлөөлөгчид, урлаг соёлынхон оролцож, хоёр орны шашин соёлыг танилцуулсан өндөр ач холбогдол бүхий арга хэмжээ болов.

2024.10.22
Япон Улс, Фукуока хот

Эх сурвалж: Гандантэгчэнлин Хийд