Нийслэлийн хэмжээнд энэ онд 87 байршилд 162.3 км авто зам шинэчилнэ. Хотын дарга Х.Нямбаатар өнөө өглөө машин дотроосоо дараах мэдээллийг өглөө:     

Манайд чулуун хашлага нийлүүлдэг, дотоодын компани энэ онд нэг ч хаалт нийлүүлж чадахгүй, бид өмнөх захиалгаа дийлэхгүй байна гэсэн. Иймд би чулуун хаалт хийдэг холбооныхонтой уулзаж, хөнгөлөлттэй зээл өгч, Батлан даалтын сангаас бодлогын зээл гаргуулсан.

Гэвч Чулуу үйлдвэрлэгчдийн холбоо ийм их хэмжээний чулуу нийлүүлж чадахгүй гэсэн. Импортын, чулуун хашлага сонгохоос өөр аргагүй болсон. Чулуун, бетонон хаалтын үнийн зөрүү маш бага байна гэж Замын хөгжлийн газар үзсэн. Тэд замын төсвийг зохиодог. Энэ дагуу судлаад энэ жил бүх замдаа чулуун хаалт байрлуулах шийдвэр гарсан. Учир нь ойрын 50 жилд тэдгээрийг засахгүй, давс, натри хлороос үжрэхгүй, химийн урвал энэ төрлийн хаалтад явагдахгүй гэсэн дүгнэлт гарсан.

Би БХБЯ руу албан бичиг явуулж, замын хаалтын стандартыг солих хүсэлтээ хүргүүлсэн. Ирэх жилээс хамуурсан хаалтыг  бүхэлд нь солихгүй, зөвхөн муудсан хэсгийг л солино. Өөрсдөө та нар соёлтой билүү? Хашлаган дээр гарч, налуулж унагаадаг.

Ард Аюушийн замын трастад орсон айлын эзэнтэй би хагас өдөр ярилцсан. Энэ жил зам тавих бүх газрыг чөлөөлж, иргэдтэй ойлголцсон. Инженерийн шугам сүлжээтэй холбоотой асуудлыг Сонгдогийн Б.Болдсайхан эмч жиргэсэн байна лээ. Сонгдо эмнэлгийн хойгуурх шугамыг солихгүй, ажил хийгүй байна гэжээ. Би долоо хоногт нэг удаа өөрөө очдог. Бетоноор, асфальтаар хучсан бол хатахыг нь хүлээнэ. Үүнд цаг ордог.   

Замынхан, шугам сүлжээнийхэн шөнө өдөргүй ажилладаг. Тэд бол чимээгүй баатрууд. Тэднийг доромжилмооргүй байна. Бидэнд нэг алдаа байна, ажил мэргэжлийг нь мэдэхүй атлаа хүнээс сонссоноо яримааргүй байна.