Бидний ирээдүй болсон хүүхэд багачуудад шинжлэх ухааныг сонирхон судлах, тэдний бүтээлч сэтгэлгээг хөгжүүлэх туршилт үзэсгэлэнг ойртуулах зорилгоор Steamex 2024 арга хэмжээг UNITEL HUB хөтөлбөр дэмжин ажиллаа.

Монгол анх удаа болсон боловсролын арга хэмжээний үеэр хүүхдүүд шинжлэх ухааны сургалтын хэрэглэгдэхүүн бүтээлүүдийг нэг дороос үзэж, шинжлэх ухааны сонирхолтой туршилтуудтай танилцсан юм.  

Шинжлэх ухааныг дэмжигч олон байгууллагууд энд хүүхэд багачуудад технологийн гайхамшгийг хуваалцсан ба тэдний дунд Unitel группийн үзүүлэх хэсэгт байрлах роботтой хүүхдүүд зургаа даруулж, хамтдаа бүжиглэн, интерактив дэлгэц дээр тоглоом тоглон өдрийг хөгжилтэй өнгөрүүллээ.

Мөн 360 Hand’s-On Workshop буюу 21 аймаг бүрээс ирсэн байгалийн ухааны багш нарыг чадавхжуулах практик туршилт болон STEAM болон боловсролын олон улсын амжилттай туршилтуудаас хуваалцлаа. Орон нутагт STEAM боловсролын хүртээмжийг нэмэгдүүлэх зорилготой Unitel HUB хөтөлбөр энэ үеээр багш нарт хөтөлбөрөө танилцуулан, орон нутагт тэднийг дэмжин ажиллах боломжийн талаар танилцуулсан юм.

Зөвхөн Улаанбаатар хотод байдаг робот угсралт, инженерчлэлийн сургалтыг орон нутгийн хүүхдүүдэд ойртуулж, энэ чиглэлээр сонирхож судлах хүсэлтэй хэн бүхэнд нээлттэй хөгжлийн орчин бүрдүүлж байгаад багш нар баярлаж байгаагаа илэрхийлсэн юм.

Unitel HUB хөтөлбөр цаашид Монгол орон даяар шинжлэх ухаан, инженерчлэлийн мэдлэгийг түгээхээр ажиллаж байна.