Улаанбаатар хотын Захирагчийн ажлын албанаас хог хаягдлыг эх үүсвэр дээр нь бууруулах, ангилан ялгах үйл ажиллагааг сайжруулах зорилгоор Хан-Уул дүүргийн 1, 2, 3-р хорооны сонгогдсон орон сууц, аж ахуйн нэгжүүдийн хог хаягдлыг ангилж, ялгах үйл ажиллагааг хэвшүүлэх туршилтын төслийг тус дүүргийн ЗДТГ-тай хамтран хэрэгжүүлж байна.

Төслийг өдөр тутам удирдан хэрэгжүүлэх, хяналт тавих, талуудад мэргэжил арга зүйн дэмжлэг туслалцаа үзүүлэх байгууллагаар "Эрүүл мэнд, нийгмийн бодлогын хүрээлэн" ТББ нь хамтран ажиллаж байгаа юм.  

Нийслэлийн хог хаягдлын менежмент, бодлогын хүрээнд иргэд, албан байгууллагуудад 3R болон хог хаягдлын хууль дүрэм, журмын талаар мэдээлэл өгч, хог хаягдлыг эх үүсвэр дээр ангилан ялгаж хэвшүүлэх чиглэлээр ажиллана.

Туршилтын төслийг ирэх арванхоёрдугаар сарын сүүлчээр үнэлэн дүгнэж хог ангилан ялгалтын талаарх жишиг загварыг тодорхойлно хэмээн гэж Улаанбаатар хотын Захирагчийн ажлын албанаас мэдээллээ.