Баян-Өлгий аймгийн мэргэжлийн хяналтын байгууллага Өлгий сумын хүнсний ногоо, жимс, жимсгэнэ худалддаг гурван томоохон зах болон хүнсний дэлгүүрүүдэд хяналт шалтгалт хийжээ.

Хүнсний ногоо, жимс, жимсгэний нитритийн хэмжээг шинжилж үзэхэд Хятадаас импортоор оруулж ирсэн хүрэн болон ногоон усан үзэмний нитритийн хэмжээ байвал зохих хэмжээнээс 20 хувиар их байгаа нь тогтоогдсон байна.

Энэ нь хүний эрүүл мэндэд сөрөг нөлөөтэй, хорт хавдар үүсгэх аюултай тул ард иргэдийг усан үзэм жимсийг худалдан авч, хүнсэндээ хэрэглэхгүй байхыг анхаарууллаа. Мөн Хятадаас оруулж ирсэн усан үзэм борлуулахыг хоригложээ.