• Дөнгөж төрсөн долоон ээж тутмын нэг нь сэтгэл гутралд өртдөг
• Үүнийг эмчлэхгүй удвал хэдэн жил ч үргэлжлэх эрсдэлтэй
• Тус эмийг 14 хоногийн турш өдөрт нэг удаа ууна

АНУ-ын Хүнс, эмийн удирдах газраас (FDA) төрсний дараах сэтгэл гутралын эсрэг “Zuranolone” гэх эмэнд бүрэн зөвшөөрөл олголоо. Ингэснээр тус байгууллагаас зөвшөөрч буй анхны төрсний дараах сэтгэл гутралын эсрэг эм болж байна.

Сэтгэл гутралд орсон ээжүүд гуниглах, гэмших цаашлаад өөрийгөө болон хүүхдээ ч гэмтээх аюултай байдаг. Харин тус эмийг хэрэглэснээр сэтгэл гутралаар илрэх хүнд хэлбэрийн шинж тэмдгүүдийн нөлөө багасах аж.

Дөнгөж төрсөн долоон ээж тутмын нэг нь сэтгэл гутралд өртдөг. 

Дөнгөж төрсөн долоон ээж тутмын нэг нь сэтгэл гутралд өртдөг гэх судалгаа бий. Үүний эсрэг үйлчилгээтэй тус эмийг 14 хоногийн турш өдөрт нэг удаа уух байдлаар хэрэглэх аж.

“Zuranolone” эмэнд тодорхой хэмжээний гаж нөлөө байгаа нь толгой эргэх, ядрах, амархан сульдах, суулгах, шээсний замын халдвар зэрэг юм.

АНУ-д жил бүр 400 мянган нярай сэтгэл гутралтай ээжүүдээс төрдөг гэх судалгаа байна. Төрсний дараах сэтгэл гутралыг эмчлэхгүй явбал хэдэн сар, цаашлаад хэдэн жил ч үргэлжлэх эрсдэлтэй байдгийг Сэтгэцийн эрүүл мэндийн үндэсний хүрээлэнгээс мэдээлсэн.

Эх сурвалж: CNN