Хүмүүсийн хамгийн их асуудаг 1072 ширхэг хувьцааны тухай зориуд тусгайлан хэлье. Хэрвээ УИХ хэлэлцэн зөвшөөрвөл хувьцаа эзэмшиж байгаа 1 сая 800 мянган хүний ногдол ашигт зөвхөн энэ жил гэхэд урьдчилгаа хүн бүрт 100 мянган төгрөгийг тусгай санд хуваарилах боломж байна. Цаашид 1072 хувьцааны үнэ цэнийг дээшлүүлэх зорилгоор Эрдэнэс Тавантолгой компанийн хувьцаа, Эрдэнэтийн 51 хувь, Оюутолгойн 34 хувь багтдаг “Эрдэнэс Монгол” компанийн хувьцаа руу ахиулан хувиргах асуудлыг бид судлан шийдэх боломжтой гэж үзэж байна.

Энэ бол Ерөнхий сайд Ч.Сайханбилэгийн энэ сарын 6-ны орой телевизээр хандан хэлсэн үг. 

Үнэхээр 1 сая 800 мянган иргэнд тус бүрт нь 100 мянган төгрөгийг ноогдол ашиг болгон хуваарилах боломж бий юу, 100 мянга гэдэг үнийн дүнг хэрхэн тогтоов, “Эрдэнэс Монгол” компанийн хувьцаа руу ахиулан хувиргах нь зөв үү? Эдгээр асуултад хариулт авахаар Coal Mongolia 2015-д оролцогч н.Мөнхбаяраас тодруулсан юм.