Өнөөдөр “Жирэмслэхээс хамгаалах эм, хэрэгслийн дэлхийн өдөр”.

Манай улс энэ өдрийг хоёр дахь жилдээ тэмдэглэж байгаа бөгөөд энэ жил Нийгмийн эрүүл мэндийн хүрээлэн, Мари Стопс Олон улсын байгууллагатай хамтран “Жирэмслэхээс хамгаалах арга хэрэгсэл бол миний дотны анд” уриан дор тэмдэглэж байгаа аж.

Ингээд НЭМХ-ийн Эрүүл мэндийг дэмжих, сургалт судалгаа арга зүйн төвийн эрдэм шинжилгээний ажилтан С.Гэрэлмаагийн бэлтгэсэн мэдээллийг хүргэж байна.

Гэр бүл төлөвлөлт гэдэг нь эрүүл мэнд, нийгэм, эдийн засаг, амьдралын байдалдаа тохируулан хүссэн цагтаа жирэмсэлж, эрүүл хүүхэд төрүүлэх, төрөлт хоорондын зайг зөв зохицуулах, тохиромжтой насандаа жирэмслэхийг хэлнэ. Жирэмслэлт нь:

• •ЭРТ БИШ /18-аас доош биш/
• •ОЙР БИШ / хоорондын зай 2-3 жил/
• •ОРОЙ БИШ / 35- наас дээш биш/

Гэр бүл төлөвлөлтийн ач холбогдол

Эмэгтэйчүүдэд:

• Хүсээгүй жирэмслэлт, үр хөндөлтөөс сэргийлнэ
• Аюултай үр хөндөлт, давтан үр хөндөлтөөс болж эрүүл мэндээрээ хохирохоос сэргийлнэ
• Умайн гадуур жирэмслэлт, үрэвсэл, үр тогтох чадваргүй болохоос сэргийлнэ

Хүүхдэд:

Төрөлт хоорондын зайг 2-3-аас доошгүй жилийн зайтай уртасгаснаар эхийн бие бүрэн тэнхэрч, дараагийн хүүхдээ эрүүл төрүүлэх, хөхөөр хооллоход сайн бэлтгэгдэнэ.

Гэр бүлд:

Ядууралд өртөхгүй байх, үр хүүхдээ сайн боловсролтой болгох, хангалуун амьдрахад тустай

Улс, эх оронд:

Эрүүл боловсролтой, чанартай иргэдтэй байснаар улс орон тогтвортой хөгжихөд тустай.

Гэр бүл төлөвлөлтийн орчин үеийн аргууд:

• •Бэлгэвч /эрэгтэй, эмэгтэй/
• •Дааврын хавсарсан уух эм ( feminil, микрогенон)
• •Ерөндөг (T, multiplied, Gynefix)
• •Суулгац (Жадель, Фемплант, Импланон)
• •Тариа ( 3 сар тутам хэрэглэх)
• •Хаалтын аргууд (лаа, хөөс, таглавч)
• •Яаралтай ууж жирэмслэхээс хамгаалах эм (Постинор-2, прегнон) зэрэг болно.