Эмэгтэйчүүдийн 53, 58, 63, 75 кг жингийн урьдчилсан шатны барилдаанууд өндөрлөн аваргын төлөө барилдах тамирчдын нэрс тодорлоо.

Эмэгтэйчүүдийн 53 кгд гол өрсөлдөөн явагдсан гэж болно. Учир нь дэлхийн аварга шалгаруулах тэмцээний мөнгөн медальт олон улсын хэмжээний мастер Э.Сумьяа - Д.Отгонцэцэг нарын өрсөлдөөн байлаа. Өнгөрсөн жилийн улсын аварга шалгаруулах тэмцээнд Отгонцэцэг сүүлийн минутад цэвэр дарсан бол энэ удаад Сумьяа эхний үед цэвэр дарж хариугаа авлаа.

Ингэснээр тэрээр аваргын алтан медалийн төлөө спортын мастер Б.Хатантуултай өрсөлдөх юм. Харин Э.Сумьяагийн хувьд өнгөрсөн оны 12 дугаар сард болсон багийн тэмцээнд ялаад байсан юм.

Мөн энэ өдөр 58 кг жинд ширүүн өрсөлдөөн өрнөсөн гэхэд болно. Дэлхийн аварга шалгаруулах тэмцээний алт мөнгөн медальт Монгол Улсын гавьяат тамирчин Сүхээгийн Цэрэнчимэд, олон улсын хэмжээний мастер Б.Шоовдор, залуучуудын дэлхийн аварга А.Батцэцэг, Лондонгийн олимпийн наадамд эх нутгаа төлөөлсөн олон улсын хэмжээний мастер С.Бямбацэрэн нар нэг жинд  төвлөрсөн явдал байв.

Гавьяатын хувьд эхний тойрогт  нэг дэвжээний бөх П.Орхонд ялагдсан. Цаашлаад дэлхийн шилдгүүдийг Хилчины Э.Гантуяа өвдөг шороодуулж  алтан медалын төлөө Орхонтой өрсөлдөхөөр шалгарлаа.

53 кг шигшээ
Б.Хатантуул /Хилчин/ - Э.Сумъяа /Хилчин/

58 кг шигшээ
П.Орхон /Алдар/ - Э.Гантуяа /Хилчин/

63 кг шигшээ
Э.Дэлгэрмаа /Налайх/ - С.Батцэцэг /Хилчин/

75 кг шигшээ
Б.Одончимэг /Алдар/ - О.Бурмаа /Хангарьд/

Шигшээ барилдаанууд 16:00 цагаас эхэллээ.