Норвегийн баруун нутагт 17 настай хүү цагаан баавгайны дайралтад өртжээ. Автобустай аялал хийж явсан сургуулийн хүүхдүүд хэсэг зуур амрахаар бууцгаасан байна. Гэтэл хаанаас ч юм цагаан баавгайн хүрхрэх дуу гарч эхэлжээ.

Нөхдөөсөө тасарсан сурагч хүү баавгайны чанх урдаас тулжээ. Уур, омогшил нь дээд цэгтээ хүрсэн цагаан баавгай хүүг өчиггүй алгадан унагаснаар түүний амь нас эрсэдсэн аж. Тэднийг авч явсан багш “Баавгайнуудын ороо орсон цагаар аяллаа эхэлсэн нь миний буруу. Гэхдээ баавгай замын хажууд ийм ойрхон ирсэн тохиолдол ховор” гэжээ.

Нас барсан хүүгээс гадна өөр шархдаж, гэмтсэн хүн байхгүй хэмээн Норвегийн хэвлэлүүд бичиж байна. Антрактидийн амьтан судлалын хүрээлэнгийн ажилтан Хоратио Чаппигийн ярьснаар цагаан баавгай хүн рүү дайрсан явдал урьд өмнө тоотой бүртгэгджээ. Гэхдээ гурван жилийн өмнө гэр бүлийн гишүүд рүү халдсанаас дөрвөн хүн бэртэж байжээ. Автобусанд 11 сурагч аяллаар явж байсан бөгөөд хууль, хяналтынхан багшид эрүү үүсгэхээр зэхээд байгаа аж.

Т.Батсугар http://www.niigmiintoli.mn/