Баян-Өлгий аймгийн хилийн бүс зурвас Их Түргэний аманд баяр наадмын үеэр буюу энэ сарын 16-ны өдөр хээрийн түймэр гарчээ.

Хилийн цэргийн 0165 дугаар ангийн 0216 дугаар салбарын захирагч, ахлах дэслэгч Г.Алтантүлхүүрээр ахлуулсан хилийн манааны бүрэлдэхүүн түймрийг илрүүлж, аймгийн Онцгой байдлын газарт мэдэгджээ.

Түймрийн голомтод Баян-Өлгий аймгийн Цэнгэл сумын Онцгой байдлын газар, тус сумын засаг даргын тамгын газрын алба хаагчид, орон нутгийн иргэд, хилийн салбарын алба хаагчид ажиллаж,энэ сарын 17-нд бүрэн унтраасан гэж Хил хамгалаах байгууллага мэдээлэв.