Хэрэглэхэд хялбар, хямд mарифтай олон улсын харилцаа холбооны үйлчилгээ

2014 оны 6 сарын 26, Улаанбаатар: Мобиком корпораци хэрэглэгчдийнхээ эрэлт, хэрэгцээнд нийцүүлэн улс хоорондын яриа, мессэж болон олон улсын роуминг үйлчилгээнийхээ үнэ, тарифыг эрс хямдрууллаа. Ингэснээр Мобиком корпораци нь сувган холболт бүхий улс хоорондын яриа болон олон улсын үйлчилгээгээрээ тэргүүлэгч оператор болоод зогсохгүй хэрэглэгчиддээ харилцаа холбооныхоо зардлыг эрс бууруулах боломжийг олгож байна.

Өнөөдрийг хүртэл хэрэглэгчид дэлхийн улс орон, оператор тус бүрээс хамаарсан өөр өөр тарифаар олон улсын роуминг  үйлчилгээг  ашигладаг байсан бол Мобиком корпораци үүнийг хялбаршуулж  дэлхийн орнуудыг 8 бүсэд хуваан, тухайн бүсэд хамрагдах бүх оронд нэг ижил тариф хэрэглэх болсноор гадаад улс орон болон эх орноосоо олон улсын үйлчилгээг ашиглахад илүү ойлгомжтой, энгийн боллоо.

Мобиком корпорацийн захирал Дэвид Холлидэй “Манай хамт олны олон сарын хөдөлмөрийн үр дүнд бид хэрэглэгчиддээ улс хоорондын үйлчилгээ болон Монголчуудын ихээр зорчдог улс орнуудад олон улсын роуминг үйлчилгээг хамгийн хямд үнээр авах боломжийг олгох зорилгоор энэхүү тарифыг нэвтрүүллээ. Бид компанийхаа эрхэм зорилго болох хэрэглэгчиддээ хэрэглэхэд хялбар, хямд харилцаа холбооны үйлчилгээг хүргэх амлалтандаа хүрч, өнгөрсөн сард дотоодын ярианы тарифаа бууруулсан бол энэхүү олон улсын үйлчилгээний тарифын хямдрал нь манай хэрэглэгчид, тэдний гэр бүл хямд үнээр хоорондоо холбогдох нөхцлийг бүрдүүлж өгч байна“ хэмээн мэдэгдлээ.

Тарифын бууралтыг танд дараах жишээгээр харуулья. Та Солонгос улсад зорчихдоо нэг минутанд 880 төгрөгөөр  дуудлага хийх боломжтой болсон ба энэ нь өмнөх тарифаас 50% буурсан юм.

Хэрэглэгчдийн хувьд гадаадад байгаа хамаатан садан, найз нөхөдтэйгээ холбоотой байх, гадаадын бизнесийн түнштэйгээ хямд, хялбар аргаар холбогдох нь маш чухал байдаг учраас улс хоорондын яриа болон мессэжний хамгийн хямд үнийг санал болгож байна.

Түүнчлэн Мобиком корпораци хямдруулсан үнийн тарифыг урьдчилсан төлбөрт хэрэглэгчиддээ санал болгосноор Монголчуудын хамгийн ихээр зорчдог гадаадын улс орнуудад хамгийн хямд мессэж роуминг үйлчилгээ хэрэглэх боломжтой болж байна.  

Хэрэглэгч та эдгээр хямд тарифыг яг одооноос ашиглаж эхлээрэй. Гадаад улс руу зорчих гэж байгаа бол Мобикомын үйлчилгээний салбарууд болон хилийн бүх боомтууд, төмөр замын буудлууд дээрх Мобикомын салбар болон үйлчилгээний цэгүүдэд очин үнэ төлбөргүйгээр сим картаа шинэчлэн хямд өртгөөр ярих боломжтой.

*Чингис Хаан олон улсын нисэх буудал, Улаанбаатар төмөр замын буудал, Замын – Үүд хилийн боомт болон аль ч Мобикомын салбар дээр очиж шинэ сим картаа нэмэлт үнэ төлбөргүйгээр авч, хамгийн хямд өртөг бүхий олон улсын роуминг үйлчилгээг аваарай.