"Сакура" бүрэн дунд сургуулийн нэгдүгээр ангийн сурагчид саяхан эрдмийн баяраа тэмдэглэж, аав ээждээ сурсан мэдсэнээ танилцуулж, өөрсдийн хийсэн бүтээснээ дэлгэн тавьж үзүүлжээ. Тэд "Монгол Контент"  ХХК-иас эрхлэн гаргадаг 0-8 насны хүүхдүүдэд зориулсан "Маамуу" хүүхдийн бэлгийн багцыг хүүхдүүддээ бэлэглэсэн байна. Энэхүү багцад хүүхдийн бүтээлч сэтгэхүйг хөгжүүлэх бүтээлч ном, стикер ном болон цагийг зугаатай хөгжилтэй өнгөрүүлэхэд туслах хөлөгт тоглоом багтжээ.

Дашрамд дурдахад тус сургууль хоёрдугаар сарын 15-наас бэлтгэл бүлгийн элсэлтийн бүртгэлээ эхлүүлэх гэж байна. Мөн тавдугаар сарын 1-ний өдрөөс бэлтгэл бүлгийнхний хичээл эхлэх юм байна.

Сакура сургуулийн танилцуулга

“САКУРА” бүрэн дунд сургууль нь 1999 оноос боловсролын салбарт үйл ажиллагаа
явуулж буй анхны хувийн сургуулиудын нэг юм. Энэ хугацаанд нийт 12 удаа төгсөлт
хийсэн ба манай чадварлаг багш хамт олон суралцагчдыгаа өөртөө
итгэлтэй, эрүүл чийрэг, эрдэм боловсролтой, авьяаслаг, хөгжингүй иргэн болгох эрхэм
зорилгыг дэвшүүлэн ажиллаж байна.

Сургуулийн онцлог:

❖ Япон хэл, Англи хэл, Математикийн гүнзгийрүүлсэн сургалттай.
❖ Сургалтын хөтөлбөрт усан бассейн, IQ, шатар, соробаны сургалт агуулагдсан.
❖ Сургууль дээрх өдөр өнжүүлэх бүлэг сургалтын төлбөрт орсон.
❖ Мэргэжлийн өндөр түвшний гадаад багш нарын бүрэлдхүүнтэй.

★ Япон, Америк улсад жил бүр зуны сургалт зохион байгуулдаг.
★ Төгсөгчдийн 60% нь гадаадын их дээд сургуульд дэвшин суралцдаг.
★ Япон улсын их дээд сургууль, коллежтэй олон жилийн хамтын ажиллагаатай.
★ Япон улсын дунд, ахлах сургуультай сурагч солилцооны хөтөлбөртэй. (3 сар, 6
сар, 1 жил)
★ Токио хотод тус сургуулийн оффис байдаг онцлогтой.

➔ Сурагч нэг бүрийн түвшинг тогтмол ахиулахыг эрхэмлэж ажилладаг.
➔ IT шинэ технологи дээр үндэслэн сургалтын цахим орчин бүрэн нэвтрүүлсэн.
➔ Өглөө болон үдийн цай, өдрийн халуун хоолны үйлчилгээ бүрэн хангагдсан.
➔ Цэнгэг агаар, цэвэр орчинд сурч боловсрох таатай нөхцөлтэй.