“Амьдралд тавтай морил” киноны Золоогийн дүрээр гараагаа эхэлсэн залуу жүжигчин О.Дөлгөөн 1990 оны энэ өдөр мэндэлжээ.

“Гэрлэх хүртлээ эротик кинонд тоглоно” гэж ярьдаг тэрбээр кино урлагт гарч ирсэн цагаасаа л олны анхаарлыг татсан.

Одоо тэр “Мөрөөдлийн театр”-ын жүжигчнээр ажиллан гялалзаж явна. Гэсэн хэдий ч кино, жүжиг, рекламанд тоглох урилганд байнга дарагддаг гэнэ. Түүний хайр дурлалын асуудал нам гүм байдаг. Залуустай тэр болгон нэр холбогдоод байдаггүй даруухан бүсгүй.

Харин сүүлийн үед түүнийг найз залуутай болсон гэх мэдээ тарсан. Энэ талаар өөрөө ярихдаа “Айлын эхнэр болох гэж яарахгүй байгаа ч нэг залуу бий. Тэр даруухан, боловсролтой, ухаантай, сайн залуу” хэмээн танилцуулжээ.

О.Чанцалдулам