Монголын эмнэлгийн инженерчлэлийн нийгэмлэгийн гишүүд, эрүүл мэндийн салбарт ажиллаж буй эмнэлгийн тоног төхөөрөмжийн инженер, техникчдийн хандиваар Коронавируст халдвар (COVID-19)–ыг эрт илрүүлэх бүхий түргэвчилсэн оношлуур 275 ширхгийг Эрүүл мэндийн яаманд хандивлалаа.


Энэхүү тестийг цус болон ийлдэст үзэх бөгөөд үр дүн 10-15 минутад гардаг, 98.8 хувийн мэдрэг чанартай. Вирусийн халдвар нь цусанд орсон буюу халдвар аваад 4-13 хоног, 13-30 хоногтой кэйсүүдэд шинжилгээ хийж мэдрэг чанарыг тодорхойлсон хэмээн мэргэжилтнүүд тайлбарлажээ.