Татварын ерөнхий газраас 2013 онд хийсэн судалгаагаар Нэмэгдсэн өртгийн албан татвар /НӨАТ/-ын хий бичилт хийж улсад ихээхэн хэмжээний хохирол учруулсан, учруулсан байж болзошгүй хэд хэдэн тохиолдол илэрснийг хэд хоногийн өмнө мэдээлсэн.

ТЕГ хуурамч падааны зөрчилтэй ААН, иргэдийг илрүүлэх байнгын ажиллагаатай нэгжийг энэ оны есдүгээр сард байгуулан, хуурамч падаан борлуулж улсад хохирол учруулсан компаниудын НӨАТ-ын падааны бичилтийг хаах хүртэл арга хэмжээ аваад байгаа.

Одоогийн байдлаар хуурамч НӨАТ-ын падаан зарсан нь батлагдсан 40 орчим компани байгаа юм. Дээрх 40 компани нь нийт 319,3 тэрбум төгрөгийн борлуулалтын бичилт хийсэн боловч нэг ч төгрөгийн татварыг улсад төлөөгүй гэж татварынхан үзэж буй юм.

Эдгээр компаниуд улсын төсөвт 13,4 тэрбум төгрөгийн хохирол учруулсан байж болзошгүй байгаа ажээ.

Нийт 36 компанийн удирдлага хуурамч падаан тараасан, татвараас зайлсхийж улсад их хэмжээний хохирол учруулсан хэргээр Улсын мөрдөн байцаах газрын Эдийн засгийн гэмт хэрэгтэй тэмцэх хэлтэс эрүүгийн хэрэг үүсгэн шалгаж байгаа ажээ.

Аудит, санхүүгийн зөвлөгөө, нягтлан бодох бүртгэлийн анхан шатны сургалт, санхүү, татварын тайлан, хөрөнгийн үнэлгээ зэрэг санхүүгийн цогц үйлчилгээ үзүүлдэг “Би Би Си Эм” зэрэг 36 компани хуурамч падаан тараасан нь тогтоогдсон байна.

Санхүүгийн үйлчилгээ үзүүлдэг томоохон компаниуд өөрсдөө хуурамч падаан гаргаж байгаа нь эдийн засгийн мэргэжилтнүүдийн санааг зовоож байгаа ажээ.

Түүнчлэн барилга угсралтын чиглэлээр үйл ажиллагаа явуулдаг “Гурван булаг сод”, “Монгол цонх”, “Азийн ирээдүү”  зэрэг томоохон компаниуд падаан хуурамчаар үйлдсэн хэрэгт холбогджээ.

Энэхүү 30 гаруй компанид холбогдох хэргийн мөрдөн байцаалт удаан хугацаанд үргэлжилсэн ч нягталж шалгах шаардлага олон зүйл байгаагаас ээдрээтэй байгаа гэж хуулийнхан тайлбарлаж байна.

Зарим хэргүүдийг Улсын мөрдөн байцаах газраас Нийслэлийн прокурорын газарт шилжүүлж эхнээсээ шүүхэд шилжиж байгаа юм байна. Доорх зөрчилтэй компаниудаас падаан авахгүй байхыг мэргэжлийн байгууллагууд сануулж байгаа юм.

Хуурамч падаан тараасан компаниудын нэрс:
1.ААЦЭ
2.Аз Кэнсэцү
3.Азийн ирзэдүй
4.Арвит
5.Валверус
6.Говийн хөх од
7.Гурван булаг сод
8.Дапайдорж
9.Дархан наран сүлд
10.Дөрвөн гангууд
11.Жүн Те Монгол
12.Жэрсс
13.Зэв зургаадай
14.Ломекс
15.Мандал-Өргөх
16.МГМ
17.Монгол цонх
18.Номын дорнод
19.Оюуны ундраа
20.Өндөр бор цэцэг уул хайрхан
21.Суут оюу
22.Сэлэнгийн төгөл
23.Төгөлдөргуалин
24.Төгс-Үчинбэр
25.Түмэнхишиг сайхан
26.Тэгшсайхан хүсэл
27.Тэлмэнтэнгэр
28.Тэмээн цохио
29.Тэсрэлтгал цог
30.Тэсрэлтзэв
31.Цэцэгт рашаан
32.Эм ай ти ар эй
33.Би би си эм
34.Хаан шилтгээн хатан сэнтий
35.Хорхой зуут
36.Хүслэнт хулан

Т.Амартүвшин