Банк бус санхүүгийн салбарт тэргүүлэгч “Инвескор ББСБ” ХК нь олон улсын “MicroFinanza Rating” SRL байгууллагаас аваад байсан “A-“ үнэлгээгээ “A” болгож ахиуллаа. Үнэлгээг тогтоосон суурь хүчин зүйлүүд нь “Инвескор ББСБ” ХК-ийн олон улсын жишигт нийцсэн компанийн засаглал, стратеги, зээлийн багцын чанар, үйл ажиллагаа, систем, санхүүгийн төлөв байдал зэрэг юм. 

“A” рейтинг нь Монгол улсын санхүүгийн байгууллагууд дундаа хамгийн өндөр үнэлгээ бөгөөд 2010 оноос хойш “Institutional Rating” үнэлгээ хийлгэсэн 500 гаруй банк санхүүгийн байгууллагуудаас ердөө 10 нь “А” үнэлгээ авч чаджээ.

Тус үнэлгээ нь “Инвескор ББСБ” ХК-ийн гадаад зах зээлээс эх үүсвэр татах болон хөрөнгө оруулагч нартай түншлэлээ идэвхжүүлэх үйл ажиллагаанд томоохон давуу тал болж байна. “MicroFinanza Rating” SRL нь банк, санхүүгийн байгууллагуудын урт хугацааны тогтвортой байдлын үнэлгээ болон зээлжих зэрэглэлийг тогтоодог дэлхийд тэргүүлэгч агентлаг бөгөөд 2000 оноос хойш дэлхийн 100 гаруй орны, 2000 гаруй санхүүгийн байгууллагуудад үнэлгээ хийжээ.