Оросын Санкт-Петербург хотноо Олон улсын эдийн засгийн чуулган  хоёр хоног хуралдаж өчигдөр өндөрлө­лөө. 12 дахь удаагаа зохиогд­сон  уг арга хэмжээг ОХУ-ын Ерөн­хийлөгч Д.Медведев нээж үг хэлэхдээ Москваг дэлхийн эдийн засгийн төв, рублийг  олон улсын  хэмжээнд  хэрэг­лэгд­дэг валют болгохыг эр­мэлзэж байгаагаа онцлон дурджээ.  Түүнээс гадна ОХУ нь дэлхий дахинд нүүрлээд буй хүнсний хямралаас гарах хөтөлбөрийг боловсруулж, түүнийг хэ­рэгжүүлэхийн тулд олон улсын байгууллагуудтай хамтран ажиллахад бэлэн байгаа гэнэ.  Оросын Ерөн­хийлөгч хэлэх­дээ бодит бо­ломжоо үл харгалзан АНУ дэлхийн эдийн засагт ёс төдий үүрэг гүйцэт­гэж ирсэн нь сан­хүүгийн хям­ралд автах шалт­гаан болсон хэмээн онцлов.

Чуулганы эхний өдөр эдийн засагт  тулгараад буй асуудал, өнөөгийн байдлыг хэлэлцсэн байна. Харин хоёр дахь буюу сүүлчийн өдөр 2020 онд хүртэлх Оросын эдийн засгийн хөгжлийн стра­тегийг хэлэлцжээ.  Чуулганд дэлхийн 10 орны төрийн тэр­гүүн, нийт 81 орны 1200  төлөөлөгч оролц­сон юм. Уг арга хэмжээг 1500 сэтгүүлч сурвалжилсан байна.

Олон улсын эдийн засгийн чуулганы үеэр Санкт-Петер­бург хотын Дворцовый талбай дээр концерт тоглож түүнд дэлхий дахинаа алдартай жүжигчин, улс төр, эдийн зас­гийн сал­барын зүт­гэлтнүүд оролцож алдарт "Пинк Флойд" хамтлаг ая дуугаа өргөжээ.