Оросын онгоцнууд баасан гарагийн шөнө Украины баруун өмнөд хэсэгт орших Одесса хотоос 80 км-ийн зайд оршдог Сергеевка тосгонд гурван пуужин хаяжээ. Нэг пуужин нь есөн давхар орон сууцанд, үлдсэн хоёр нь жуулчны баазад унасны улмаас 20 хүн амиа алдаж, 40 гаруй хүн шархадсан байна. Амиа алдагсдын дунд 11 настай хүү байсан аж. 

Есөн давхар орон сууцад аврагчид ажлаа дууссан бол жуулчны баазад аврах ажиллагаа үргэлжилсээр байгаа бөгөөд нурангин дор хүмүүс байх магадлалтай гэж орон нутгийн эрх баригчид мэдээлжээ. Орон сууцанд 16 хүн, амралтын баазад дөрвөн хүн үрэгдсэн байна.

Шархадсан хүмүүсийн дунд хүүхдүүд болон жирэмсэн эмэгтэй байгаа бөгөөд нурангин дороос найман хүн, тэр дундаа гурван хүүхэд аварсан гэж Украины Онцгой байдлын улсын албанаас мэдэгджээ.

Украины талаас Одесс мужийн газар нутаг цэргийн дэд бүтэцтэй ямар ч холбоо хамааралгүй гэж мэдэгдсэн бол Кремлийн төлөөлөгч Дмитрий Песков ОХУ-ын зэвсэгт хүчин цэргийн тусгай ажиллагааныхаа үеэр иргэдийн дэд бүтцэд чиглэсэн ажиллагаа явуулаагүй" гэв.

Эх сурвалж: ВВС