УНТЭ-ийн Бүдүүн шулуун гэдэсний мэс заслын тасгийн эрхлэгч, Клиникийн профессор, Мэс заслын тэргүүлэх зэргийн эмч Э.Бат-Өлзий “Бүдүүн гэдэсний эмгэг, хавдраас сэргийлье" сэдвийн хүрээнд зөвлөгөө, мэдээлэл өгч байна.

Тэрбээр, Бүдүүн гэдэс бол хүний хэвлийн хөндийг тойрон хүрээлж, хоол боловсруулах замын дунд хэсэгт байрладаг хүний идсэн хоол хүнсийг шимэгдүүлж, дамжуулж өтгөн болгон боловсруулж, хүний биеэс гадагшлуулах үйл ажиллагаа явуулдаг эрхтэн. Бүдүүн гэдэс өвдөх олон эрсдэл бий. Хавдар, шархлаат үрэвсэл гэх мэт олон өвчин үүсэж болох ба ихэвчлэн хоол хүнс, тэжээлтэй холбоотой үүсдэг. Олон хүчин зүйлийн нөлөөгөөр үүсдэг хүнд хэлбэрийн өвчлөл үүсгэдэг. Зөвхөн бүдүүн гэдэс биш шулуун гэдэс, хошного, хярзангийн эмгэгүүд ордог. Эдгээрээс хамгийн элбэг нь шамбарам, ургацаг, буглаа гэх мэт 100 гаруй төрлийн өвчин эмгэгийг оношилж эмчилдэг. 

Шамбарам өвчин хүмүүсийн дунд түгээмэл байдаг.
Шамбарам бол манай тасгийн нийт мэс заслын 30 гаруй хувийг эзэлдэг. Нийт хүн амын гуравны нэг орчим нь шамбарам өвдсөн байдаг. Хүмүүсийн 50-90 хувь амьдралынхаа туршид шамбарамаар өвдсөн байдаг. Шамбармыг эмчлүүлэхгүй удаан хугацаанд явбал нас ахих үед өтгөнөө барьж чадахгүй болох хөнөөлтэй.

Өвчлөх шалтгаан олон янз байдаг. Жолооч нар болон суугаа ажилтай хүмүүс аарцагны цусан хангамжийн эргэлт багатай холбоотой хөдөлгөөний хомсдол, архаг өтгөн хаталт, буруу хооллолт, хэт удаан дүлэх, жирэмслэлтийн сүүлийн гурван сар, архи дарс, халуун ногоо хэтрүүлэх хэрэглэх, элэгний хатуурал өвчний үед үүсэж болдог.

Хэрэв өтгөн гарах, өтгөнөө арчих үед цус дуслах болон арчигдаж байвал шамбармыг 2-3 дугаар үедээ орсон байна гэж болно. Энэ үед мэргэжлийн эмчид хандаж, асуудлаа шийдүүлэх нь зөв. Алсдаа архаг цус багадалт үүсгэнэ.