БНАСАУ-ын мэргэжилтнүүд Америкийн хиймэл дагуулын системийн дохиог будлиантуулж, улмаар пуужинг нарийн онилох боломжийг алдагдуулж чадах төхөөрөг хийжээ. Сөүлийн "Чосон ильбо" сонин Өмнөд Солонгосын тагнуулын албаны төлөөлөгчдийн хэлснийг иш татан өчигдрийн дугаартаа ингэж бичсэн байна.

Пхеньяны эрх баригчид энэ төхөөргийг одоо тухайлбал Иран, Сирид худалдах бодолтой байгаа мэтээр тэд мэдэгджээ.

БНАСАУ-д хийсэн төхөөрөг нь хямд үнэтэйг сонинд дурдсан байна. Энэ төхөөрөг нь Жи-Пи-Эс систем хэрэглэдэг Америкийн болон Өмнөд Солонгосын пуужингийн нарийн тусгалыг нэлээд бууруулах чадвартай гэнэ.

Я.Сүхбаатар