Бидний амьдралд үнэхээр давчуу, амжуулах ажил ихтэй, маш завгүй өдрүүд олон байдаг. Ийм хэмнэлтэй удаан явбал стресст орох, хоолны шингэц муудах, өтгөн хатах, ходоод гэдэсний хэвийн үйл ажиллагаа алдагдах зэрэг эрүүл мэндийн асуудлууд үүсэж эхэлдэг. Ингэснээр гэдэс цанхайх, хийгээр дүүрэх, хэвлийгээр өвдөж зовуурилах, хүржигнэж дуугарах шинж тэмдгүүд нийтлэг илэрдэг. Хэрэв танд эдгээр шинж тэмдэг байгаа бол өдөр тутамдаа пробиотик хэрэглэж хэвшээрэй. Пробиотик нь хоол боловсруулах замын системийг бүхэлд нь эрүүл байлгахад туслах юм. Зарим пробиотик омог нь хоол боловсруулах системээс гадна бие махбодын үйл ажиллагаа зөв хэвийн явагдахад чухал ач холбогдолтой.

Жирэмсэн болон хөхүүл ээжүүдэд яагаад Пробиотик хэрэгтэй вэ?

Хэрэв та нэг л өдөр өтгөнөө гадагшлуулаагүй бол танд өтгөн хаталтын асуудал үүсэж байна гэсэн үг. Энэ үед пробиотикийг өдөр тутамдаа хэрэглэвэл өтгөн хаталтын асуудлыг төвөггүй даван туулна. Түүнчлэн хоол боловсруулах эрхтний үйл ажиллагаанд ач тустай.

Бяцхан үрээ өлгийдсөн шинэхэн ээж үнэхээр жаргалтай. Гэхдээ бас стресстэй байх үе цөөнгүй. Өдөр бүр өөр өөр сэтгэл хөдлөлд автаж, хүүхэд, гэр бүлээ асран халамжилж, өөртөө зарцуулах цаг зав ч гарахгүйгээр өнгөрдөг. Сайн амарч чадахгүй энэ үед тос ихтэй, хүнд хоол хүнс идэх нь сэтгэл санаанд стресс болж шууд нөлөөлдөг. Мөн жирэмсэн үеэс л эхэлсэн өтгөн хаталт үргэлжилж, хоол боловсруулах эрхтний тогтолцоо алдагддаг байна. Жирэмсэн үеэсээ л эрүүл амьдралын хэв маягтай байх нь төрөлтийн дараах хямрал стресст өртөхөөс сэргийлж, таны мэдрэмжийг эерэг байлгах болно.

Гоо сайхнаа залуугаар нь хадгалах бяцхан зөвлөгөө

Таны бие эрүүл, тэнцвэртэй байхад нөлөөлөх эрүүл мэндийн зөвлөмж хүргэе.

1. Өдөр бүр багадаа 25 минут дасгал хөдөлгөөн хийх. Танд биеийн тамирын заал, тусгай хэрэгсэл хэрэггүй. Өдрийн турш цахилгаан шат хэрэглэхгүй, явган хүний шатаар өгсөх эсвэл өглөө оройдоо алхах.

2. Заавал хоол ид. Завгүй байна гэдэг нь гэр бүлдээ л анхаарлаа төвлөрүүлж, өөрийгөө мартана гэсэн үг биш. Хүүхдийнхээ үлдэгдэл хоолыг дуусгахаас татгалзаж, өөртөө эрүүл, тэнцвэртэй хоол хийх цаг гаргаарай.

3. Хоол боловсруулах замын эрүүл мэнддээ анхаарах. Зарим эмэгтэйчүүд гэдэс дүүрэх, хий гарах, гэдэс дотор эвгүйрхэх, бөөлжих гэх мэт хоол боловсруулах замын таагүй мэдрэмжийг мэдэрдэг. Гэхдээ арга хэмжээ авдаггүй. Өдөр тутмын хоол хүнсэндээ Пробиотик хэрэглэснээр хоол боловсруулах замын үйл ажиллагаа хэвийн явагдана.

4. Ухаалаг зууш. Түргэн зууш хэрэгтэй үед аль болох тэжээллэг хүнс сонгох.

5. Ус ус бас дахин ус. Ус сайн уух хэрэгтэй талаар маш сайн мэддэг ч ихэнх эмэгтэйчүүд хангалттай их ус уудаггүй. Тиймээс өдрийн турш авч явах хөөрхөн усны сав сонгож аваад, өөртөө зориулж усаа сайн уугаарай.

6. Найз нөхөдтэйгөө уулзаж, хөгжилдөх цаг заавал гаргаж байгаарай.