Чуулганы хуралдаан үргэлжилж байна. Үргэлжлүүлэн Эрүүл мэндийн даатгалын үндэсний зөвлөлийн зарим гишүүнийг чөлөөлөх, томилох тухай асуудлыг хэлэлцэж байна.

Б.Мягмар нь Эрүүл мэндийн даатгалын үндэсний зөвлөлийн даатгуулагчийг төлөөлсөн гишүүнээс чөлөөлөгдөх хүсэлтээ ирүүлсэн тул түүнийг чөлөөлж, Х.Амгаланбаатарыг томилох, түүнчлэн Эрүүл мэндийн сайд асан Т.Мөнхсайханыг Эрүүл мэндийн даатгалын үндэсний зөвлөлийн даргын үүрэгт ажлаас чөлөөлж, Монгол Улсын Засгийн газрын гишүүн, Эрүүл мэндийн сайд С.Энхболдыг томилох тогтоолын төслийг оруулж иржээ.

Эрүүл мэндийн сайд С.Энхболдыг Эрүүл мэндийн даатгалын үндэсний зөвлөлийн даргаах томилох санал хураалт явуулахад хуралдаанд оролцсон гишүүдийн 38 нь дэмжсэнээр УИХ-ын тогтоол батлагдлаа.