Олон улсын жишиг стандартаар баригдсан Сонгинохайрхан дүүргийн нэгдсэн эмнэлэг нээгдэхэд бэлэн боллоо.

Нийслэлийн хөрөнгө оруулалтын газраас захиалагчийн техникийн хяналтыг гүйцэтгэсэн энэхүү эмнэлэг нь олон улсын жишиг нэгдсэн эмнэлгийн стандартын дагуу чанартай тусламж, үйлчилгээ үзүүлэх, иргэдийн таатай, аюулгүй байдлыг бүрдүүлэхэд чиглэгдсэн эмнэлгийн нэмэлт орц, гарц, эрүүл ахуй, халдварын сэргийлэлт бүхий агаар сэлгэлтийн систем, хөгжлийн бэрхшээлтэй иргэд болон үйлчлүүлэгч, эмч, албан хаагчдын тав тухтай байдлыг хангах зорилго бүхий орчин үеийн техник технологийн шинэчлэлтэд үндэслэсэн цогц эмнэлэг болж буйгаараа улсдаа жишиг болох юм.

150-200 ортой жишиг нэгдсэн эмнэлэг тухайн дүүргийн 157 мянган хүнд үйлчлэх хүчин чадалтай байна хэмээн мэдээлээд буй.

Барилгыг "Вамед инженеринг жи эм би эйч" ХХК, Зураг төслийг "Бьюлдинг техноложи" ХХК гүйцэтгэв.