Бурхан Буддагийн төрсөн, гэгээрсэн, нирван хутгийг олсон их дүйчин өдөр өнөөдөр тохиож байна. Энэ өдөр нисэхээс тодорсон хувилгаан Дандар Лхарамба Ринбүүчий буюу Янси Чогтүл бурхан Буддагийн мэндэлсэн Гүмбүм цэцэрлэгийн мод, тус модны доорх шороогоор бүтээсэн бурхан багшийн ээжийн барималыг залах гэнэ. Мөн өнөөдөр Богд Очирвани шүтээнийг залах ёслол болон Бакула Ринбүүчийн мэндэлсний ойд зориулсан "Өдгөө цагийн Монголын Бурханы шашин, хөгжил ба хэтийн төлөв" сэдэвт Олон улсын бага хурал болох юм байна. Энэхүү хуралд Монгол Улсын Ерөнхийлөгч болон төр засгийн төлөөлөгчид, Монголын Бурхан шашинтны төв Гандантэгчинлэн хийдийн тэргүүн, их хамба лам тэргүүтэй Монголын Бурхан шашны сүм хийдийн, олон улсын төлөөлөгчид оролцох ажээ. Мөн үеэр лам хуврагууд ном хурах, Ерөнхийлөгч, хурлын төлөөлөгч нараас мэндчилгээ дэвшүүлэн үг хэлэх, Бакула Ринбүүчийн тухай баримтат кино үзүүлэх зэрэг ёслолын арга хэмжээнүүд явагдах юм байна. Дашрамд эл өдөр нүглийг тэвчиж, мацаг бариваас хийсэн буян тань түм, бум болж арвижих ажээ.

Б.Анх