“GoGo асуултууд”-ын энэ удаагийн дугаарт монголын дуурийн урлагт гялалзаж буй МУГЖ Э.Анхбаяр оролцлоо.

Бид түүнийг “CANDLELIGHT NIGHT voice of opera” тоглолтын бэлтгэлээ хийж байх үед зорьж очсон юм.

СОНГОДОГ УРЛАГ ХҮНИЙГ ГАРАХ НӨХЦӨЛГҮЙГЭЭР ТАТАЖ ЧАДДАГ

Тэрээр анх дуурийн дуучин мэргэжлийг мэддэггүй байжээ. С.Жавхлан, Т.Баясгалан шиг зохиолын дуучин болно гэж боддог байж. Тэд ч гэсэн дуурийн дуучин мэргэжлээр төгссөнийг мэдээд уг мэргэжлийг сонгожээ. Сонгодог урлаг хүнийг гарах нөхцөлгүйгээр татаж, уусган шингээж чаддаг гэсэн юм.

Өөрийгөө амьтантай зүйрлэвэл бамбарууш байх байсан болов уу гэж хөгжилдөх тэрээр гурван жилийн өмнөөс Монгол Улсын соёлын элчээр ажиллаж байна.

Шударга, тууштай, шантардаггүй хэмээн өөрийгөө тодорхойлсон Э.Анхбаяр “Бүх зүйл дээр хариуцлагатай байхыг хичээдэг. Би гурван хүүтэй. Хөвгүүдийнхээ өмнө хариуцлагыг тултал мэдэрдэг” гэв.

Сонгодог урлаг бол нийгмийн талх биш дарс нь юм. Дарс амттай, түүнээс шимж, татагдан дурлаарай гэж үзэгчдэдээ уриалсан юм. Ингээд түүнийг “GoGo-ийн асуултууд”-ад хэрхэн хариулсныг хүлээн авч үзэцгээе.

БИЧЛЭГ: