11 улсад байгаа 48 иргэний нислэгийн тасалбар, тусгаарлалтын байрны зардлыг гаргахаар болсныг Гадаад харилцааны яамны Консулын газрын захирал Л.Мөнхтүшиг мэдээллээ.

Гадаад харилцааны сайдын хүсэлтийн дагуу зорилтот бүлэгт, нэн шаардлагатай иргэндээ өгөхөөр 300 сая төгрөгийг шийдвэрлэсэн. ГХЯ, гадаад улсад байгаа Элчин сайдын яамдтай хамтран нэн шаардлагатай иргэдэд хүргэхээр ажиллаж байгаа юм. 

Өмнө нь есдүгээр сарын 14-ний өдөр Франкфуртаас ирэх тусгай нислэгт 15 хүний эх орондоо ирэх зардлыг бүрэн болон хэсэгчлэн олгох шийдвэрийг гаргаж байсан юм.