Хот айл гэж мал аж ахуй эрхэлсэн хэд хэдэн өрх гэр, малчин ардууд хамтран нүүдэллэж, хөдөлмөрөө хоршин мал сүргээ маллах, ашиг шимийг хамтын хүчээр авдаг хөдөлмөр зохион байгуулалтын хэлбэрийг хэлнэ гэж тайлбар тольд дурджээ.

Хот айлын бараа нь айлсаад
Холбоо цэнхэр нутаг минь ээ хө гэж дуунд гардаг.

Сонсох нь ээ, магадгүй хангайн тухай биз ээ. Түүнчлэн мал сүрэг хотолсон үдэш, "Битүүн"-ий оройг ч өгүүлэх шиг. Тэр л агшныг дуугаар биш дүрсээр хэрхэн илэрхийлэх бол. 

Бид зарим уншигчаас ирүүлсэн малчдын аж байдал, хөдөөгийн амар амгаланг санагдуулам гэрэл зургуудыг хүргэж байна. Уул үүл нь нийлэн харагддаг умрын цэнхэр хангай гэж аяндаа л аманд аялагдам аж. 

Хот айл шиг ажин түжин авч, хүн бүр эрвийх дэрвийхээрээ хөдөлмөрлөж, дор бүрнээ "точигнож" байдаг даа, Битүүний өдөр...

Архангай аймгийн Жаргалант сумын иргэн Ц.Сайнбаатарын зургуудаас онцлон хүргэж байна.