Сонгуулийн ерөнхий хорооны 23.50 цагийн мэдээгээр УИХ-ын сонгуулийн 22 дугаар тойрогт МАН-аас нэр дэвшигч Хууль зүйн дэд сайд асан Б.Энхбаяр 36364, УИХ-ын гишүүн Б.Саранчимэг 25228 саналаар тэргүүлж, ирэх дөрвөн жилд УИХ-ын гишүүнээр ажиллахаар болж байна. 

Тус тойргийн хэсгийн хороод санал хураалтын дүнг СЕХ-ны төв серверт 100 хувь оруулсан байна.

01.00 цагийн байдлаар УИХ-ын 29 тойргоос 15 тойргийн дүн эцэслэн гарсан бөгөөд сонгогчдын ирц улсын хэмжээнд 73.64 хувьд хүрлээ. Сонгуулийн санал авах 2070 хэсгийн хорооноос 35 хэсгийн дүн СЕХ-нд ирээгүй байна.