Дэлхий 216 улсад коронавирусийн халдварын 4.6 сая тохиолдол бүртгэгдэж, 308.6 мянган хүн нас барж, 1.7 сая хүн эдгэрчээ.

Эдгээрээс 2.5 сая эмнэлэгт хэвтэн эмчлүүлж байна. АНУ-д хамгийн өндөр буюу 1 сая 484 мянган хүн халдвар авснаас 88507 хүн нас барсан. Испанид 274367 хүн халдвар авч, 10 хувь нь нас баржээ. Гуравдугаарт ОХУ эрэмбэлэгдэж байгаа бөгөөд хойд хөршид 262843 иргэн халдвар авч, 2418 хүн нас барлаа.

Бразил улсад 220 мянган хүн халдвар авсан ба сүүлийн 24 цагт 2068 хүн коронавирусийн халдвар авч, 145 хүн нас барсан байна. Мөн Мексикт 2437 хүн шинээр халдвар авч 290 хүн нас барлаа. Пакистанд 1581 хүн халдвар авч 31 хүн нас барсан байна.