ОХУ-ын Статистикийн газрын 2007 оны мэдээгээр 120.9 тэрбум ам.долларын гадны хөрөнгө оруулалт орж ирсэн нь 2006 оноос 2.2 дахин их байжээ. Өнгөрсөн онд гадаадын шууд хөрөнгө оруулалт 27.8 тэрбум ам.долларт хүрсэн бөгөөд 2006 оноос хоёр дахин нэмэгдсэн байна. Их Британи, Кипр, Нидерланд, Люксембург, Франц, Швейцар, Ирланд, Герман, АНУ зэрэг улс хөрөнгө оруулалтын гол орнууд нь юм байна.

Гадаадын хөрөнгө оруулагчид худалдаа, автосервис болон ахуйн үйлчилгээний салбарт илүүтэй орж иржээ. Харин олборлолтын үйлдвэр болоод ашигт малтмалын салбарт 14.4 хувьтай байна.

Оросын Төв банкны мэдээгээр өнгөрсөн онд "Юкос"-ын хувьцааг худалдах болсон нь гадны хөрөнгө оруулалтын хэмжээ эрс нэмэгдэхэд нөлөөлсөн агаад капиталын хэмжээ 80 тэрбум ам.долларт хүрч байсан байна.

Харин Оросын гадаад улс орнуудад оруулсан хөрөнгө оруулалтын нийт хэмжээ 2007 онд 32.1 тэрбум ам.доллар байсан бөгөөд үүнээс Кипр улсад 10 тэрбум буюу 31.1 хувийг эзэлж байсан байна.