70-79 гэсэн саарал өнгөтэй авсаархан жийп машин хөлөглөж, нийслэл хотоор хэрэн хэсдэг болсон загвар өмсөгч Э.Одгэрэл нас ахих тусам улам залуужаад байгаа. Шулуун, шингэхэн үсээ задгайлж янзалсан тэрээр яг л 25-т шиг гялалзаж, элдвийн залуусын нүдийг хужирлаж явдаг нэгэн. Монголын томоохон компанийн захирал асантай дэр нэгтгэснээс хойш мөнгөний гачигдал амсахаа байсан топ модель маань нөхрийнхөө авч өгсөн машиныг ихэд гамтай хзрэглэхээс гадна хаа явсан газраа жолооч нарын хүндлэлийг хүлээж явдаг гэсэн. Учир нь тэрээр бусадтай адил бухимдалгүй, өдөржин халуунд хөлсөө цутгуулан зүтгэж буй жолооч нарт их л эелдэгээр зам тавьж өгдөг аж. Харин үүнийгээ хэзээний буурь суурьтай байж сурсан Одгэрэл тайлбарлахдаа "Уурласнаар өөрсдөө л амархан хөгшрөх учраас жолооч нар шиг бухимдаж, нервээ барахыг хүсдэггүй юм" гэжээ. Магадгүй үргэлж 25-т шиг харагддаг топ модель Одгэрэлийн залуу, сайхан байгаагын нууц энэ байх. Нээрээ ч бид наад захын жолоон дээрээ хүртэл бухимдаад байвал яаж ч залуу харагдах билээ дээ.