Цахим спорт сонирхогчдын хамгийн их хүсэн хүлээдэг тоглоомуудын нэг нь EA Sports-оос эрхлэн гаргадаг “FIFA” цуврал байдаг. Энэ жилийн хувьд “FIFA20” тоглоом нь Microsoft Wondows, PlayStation4, Xbox One,  Nintendo Switch гэсэн 4 үндсэн платформд зориулагдаж байгаа бөгөөд энэ сарын 27-ны өдөр албан ёсоор худалдаанд гарах аж.

“FIFA20” тоглоом нь өмнөх тоглоомнуудтай харьцуулахад хэд хэдэн шинэлэг зүйлсийг багтаагаад байгаа аж. “Volta mode” нэртэй шинэ горим багтсанаас гадна, анх удаа гудамжны хөлбөмбөгийн шинэ горим багтсан нь сонирхогчдын хүлээлтийг улам нэмж байгаа билээ.

Зарим азтай хэрэглэгчид энэхүү шинэ тоглоомын туршилтын хувилбараар тоглож эхлээд байгаа бөгөөд 9-р сарын 27 нд албан ёсоор худалдаанд гарахаас нь өмнө зарим хөгжүүлэлтийг хийхэд тэдний мэдээлэл тус болох ажээ.   

Тэгвэл өчигдөр EA Sports-оос “FIFA20” тоглоомд багтсан хамгийн шилдэг чансаа, үзүүлэлттэй 20 тамирчныг нэрлэсэн байна. Доорх жагсаалтыг өмнө нь олон нийтэд зарлаад байсан ч EA Sports-с албан ёсоор баталгаажуулаагүй байсан юм. Өөрөөр хэлбэл тоглогчдын энэ дараалалд дахин өөрчлөлт орохгүй аж.

20. Серхио Бускетс                            (Барселона, Испани) – 89

19. Антуан Гризманн                        (Барселона, Франц) – 89

18. Алисон Бекер                                (Ливерпүүл, Бразил) – 89

17. Калиду Кулибали                       (Наполи,Франц) – 89

16. Харри Кейн                                     (Тоттэнхэм, Англи) – 89

15. Роберт Левандовский             (Байерн Мюнхен, Польш) – 89

14. Жоржо Кьеллини                      (Ювэнтус, Итали ) – 89

13. Серхио Агуэро                              (Манчестер сити, Аргентин) – 89

12. Серхио Рамос                               (Реал Мадрид, Испани) – 89

11. Килиан Мбаппе                           (ПСЖ, Франц) – 89

10. Марк-Андре тер Стеген           (Барселона, Герман) – 90

9. Лука Модрич                                    (Реал Мадрид, Хорват) – 90

8. Мохамед Салах                               (Ливерпүүл, Египт) – 90

7. Виржил ван Дейк                          (Ливерпүүл, Нидерланд) – 90

6. Ян Облак                                             (Атлетико Мадрид, Словени) – 91

5. Кевин де Брёйне                            (Манчестер сити, Бельги) – 91

4. Эден Азар                                           (Реал Мадрид, Бельги) – 91

3. Нэймар                                                 (ПСЖ, Бразил) – 92

2. Кристиано Роналдо                    (Ювэнтус, Португал) – 93

1. Лионел Месси                                 (Барселона, Аргентин) – 94                           

гэсэн дараалалтайгаар шилдэг 20 тоглогчийн чансааг танилцуулсан байна. Өөрөөр хэлбэл эдгээр 20 тоглогчид нь FIFA20 тоглоомд багтсан хамгийн өндөр чадвартай тоглогчид юм. Өнгөрсөн жилийн тоглоом буюу FIFA19-д тамирчдын чансааг К.Роналдо, Л.Месси нар ижил 94 оноотой тэргүүлж байсан бол энэ жил Лионел Месси ганцаараа тэргүүлсэн байна.

FIFA20 тоглоомын нүүр зурагт Ливерпүүлийн Виржил ван Дейк, Реал Мадридын Эден Азар нарын хөлбөмбөгчид багтсан бол Реал Мадридын дасгалжуулагч Зинедин Зидан мөн багтсан байна.  

Г.Баярмөнх