Монголын чадварлаг менежерүүдийг Холбооны Бүгд Найрамдах Герман Улсад “Олон Улсын Түвшний Мэргэшсэн Менежер Бэлтгэх Хөтөлбөр”-өөр бэлтгээд даруй 10 жил болжээ.
Сургалт, хөтөлбөрийг Монголын талаас “Монголын Ажил Олгогч Эздийн Нэгдсэн Холбоо” (МАОЭНХ), ХБНГУ-ын талаас “GIZ” байгууллагууд хамтран зохион байгуулдаг. Тэд 10 жилийнхээ ойг хөтөлбөрийн төгсөгчдийн хамтаар өнгөрснөө үнэлж цэгнэн, хэтийн зорилгоо төлөвлөж хамтдаа чууллаа.
Монголын чадварлаг менежерүүдийг Холбооны Бүгд Найрамдах Герман Улсад “Олон Улсын Түвшний Мэргэшсэн Менежер Бэлтгэх Хөтөлбөр”-өөр бэлтгээд даруй 10 жил болжээ.
Сургалт, хөтөлбөрийг Монголын талаас “Монголын Ажил Олгогч Эздийн Нэгдсэн Холбоо” (МАОЭНХ), ХБНГУ-ын талаас “GIZ” байгууллагууд хамтран зохион байгуулдаг. Тэд 10 жилийнхээ ойг хөтөлбөрийн төгсөгчдийн хамтаар өнгөрснөө үнэлж цэгнэн, хэтийн зорилгоо төлөвлөж хамтдаа чууллаа.
ХБНГУ-ын Засгийн газрын тэтгэлгээр зохион байгуулагддаг “Олон Улсын Түвшний Мэргэшсэн Менежер Бэлтгэх Хөтөлбөр” нь 2009 оноос хойш Монгол улсад хэрэгжиж эхэлсэн бөгөөд одоогоор манай 400 гаруй компаний удирдлага, менежерүүд амжилттай суралцаж төгсөөд байна. Өнөөдөр л гэхэд Монголын 30 менежер энэхүү хөтөлбөрийн дагуу Герман улс уруу ниссэн юм.
Монголын уул уурхайн салбарт ажиллаж байгаа менежерүүдийг Германы мэргэжилтнүүдийн чадвартай ижил түвшинд хүргэж сургая” гэж энэхүү хөтөлбөрийг анх Канцлер Ангела Меркель санаачлан эхлүүлж байсан түүхтэй
Хоёр улсын Засгийн газар хооронд байгуулсан гэрээний дагуу хоёр орны аж ахуйн нэгж, хувийн хэвшил, жижиг дунд үйлдвэр, компаниудын удирдагчдын үйл ажиллагааг дэмжих бодлогоор Монголын аж ахуй нэгж, байгууллагуудын (ААНБ) менежерүүдийг сонгон шалгаруулж Герман улсын ААНБ дээр сар гаруйн хугацаанд Германы мэргэшсэн менежерүүдийг дагалдуулан сургах, чадамжид суурилсан сургалтын “Олон улсын түвшний мэргэшсэн менежер бэлтгэх сургалт, хөтөлбөр”-т ХБНГУ-ын засгийн газрын тэтгэлгээр хамруулдаг аж.
Сургалт, хөтөлбөрийн гол зорилго нь хувийн хэвшлийн аж ахуйн нэгж, ЖДҮ, компаниудын үйл ажиллагаа тэдгээрийн хөгжлийг хурдасгах, Герман улсын шилдэг менежментийн үйл ажиллагаанаас Монголын менежерүүдийг дагалдуулан сургах замаар, ур чадварыг нь дээшлүүлж орчин үеийн шинэ техник технологи болон арга барилыг эзэмшиж өөрийн ААНБ-д нэвтрүүлэх, ХБНГУ-ын ААНБ-тай шууд холбоо тогтоох, хамтран ажиллах боломжийг нээж өгөх, худалдаа эдийн засгийн хамтын ажиллагааг өргөжүүлж хөгжүүлэхэд чиглэдэг.
Монгол улсаас ХБНГУ-д суух Элчин сайд асан Ц.Болор хэлэхдээ “Хоёр улс 2008 онд Иж бүрэн түншлэлийн харилцааны баримт бичигт гарын үсэг зурцгаасан. Мөн 2018 онд хоёр улсын нийт худалдаа 190 орчим ам.доллар болсон бөгөөд манай улсын нийт худалдааны 4.1 хувийг эзэлж байгаа нь чамлахаар тоо. 2017 онд 110 сая ам.долларын хөрөнгө оруулалтыг манай улсад хийжээ. 1990 оноос хойш ХБНГУ-ын Засгийн газар манай улсад 400 сая орчим еврогийн тусламж үзүүлсэн. Манайх тус улстай 30 жил найрсаг харилцаатай байсаар ирсэн ба цаашдын урт хугацааны хамтын ажиллагаанд худалдаа, эдийн засаг л суурь болох учир хөтөлбөрийн дагуу сургалтад хамрагдаад ирж байгаа менежер, удирдлагуудын үүрэг үүнд маш чухал нөлөөтэй” гэсэн юм.
“ХӨТӨЛБӨРТ ХАМРАГДСАН МЕНЕЖЕРҮҮД УЛСЫН ХӨГЖИЛД ҮНЭТЭЙ ХУВЬ НЭМЭР ОРУУЛАХ БОЛОВСОН ХҮЧИН ЮМ”
Монголын Ажил Олгогч Эздийн Нэгдсэн Холбооны Дэд Ерөнхийлөгч Х.Ганбаатар:
Уг хөтөлбөр маш амжилттай хэрэгжиж байгаа ба сургалтын үр өгөөж бүхий олон бодитой жишээг дурдаж болно. Жишээ нь "АПУ" ХК-ны удирдлага энэ хөтөлбөрт хамрагдаад шар айраг болон сүүний үйлдвэрийн технологийн шинэчлэлтээ германчуудтай хамтарч хийсэн. Мөн “Сүү” ХК жил гаруйн өмнө сав баглаа, техник технологио Германы технологи, мэргэжилтнүүдийн тусламжтайгаар шинэчилсэн гээд дурдаад байвал маш олон давуу тал бий.
Уг хөтөлбөрийн хэрэгжилт нь ХБНГУ-аас Монгол улсын хүний хөгжилд хувь нэмрээ оруулахад тусална гэсэн тохиролцоо бөгөөд тус улсын Канцлер Хатагтай А.Меркель 2009 онд “Монголын уул уурхайн салбарт ажиллаж байгаа менежерүүдийг Германы мэргэжилтнүүдийн чадвартай ижил түвшинд хүргэж сургая” гэж анх санаачлан энэхүү хөтөлбөрийг эхлүүлж байсан түүхтэй. Энэхүү хөтөлбөрт сонгогдож явсан менежерүүд маш чадварлаг бөгөөд улсын хөгжилд үнэтэй хувь нэмэр оруулахуйц боловсон хүчин болж бэлтгэгддэг.
"МОНГОЛ МЕНЕЖЕРҮҮДИЙН БИЗНЕС ХАРИЛЦААНЫ ЧАДВАР МАШ САЙН"
Менежер сургах хөтөлбөрийг Германы талаас “GIZ” байгууллага хариуцан ажилладаг бөгөөд тус хөтөлбөрт одоогоор дэлхийн 19 орны 13000 гаруй менежер, удирдлагууд хамрагдаад байна.
ХБНГУ-ын “AHP” группын зөвлөх мэргэжилтэн, монгол менежерүүдийг хариуцан ажилладаг Бенедикт Хартманн:
Монгол менежерүүд чадварлаг. Ялангуяа өнгөрсөн жил миний хариуцан ажилласан монголын менежерүүдийн групп хамт олон үнэхээр чадварлаг, олон улсад мэргэжил дээшлүүлсэн, сайтар бэлтгэгдсэн хүмүүс байсан. Мөн тэдний бизнес харилцааны чадвар маш сайн ба өөр улсын мэргэжилтнүүдтэй харьцуулахад уян хатан харилцаатай, илүү амбицтай санагдсан. Ихэнх улсын менежментийн бүтэц харилцан адилгүй бөгөөд тэдгээр нь өдгөө хувьсан өөрчлөгдөж шинэчлэгдсээр байна. Герман улсын эдийн засгийн хувьд жижиг дунд үйлдвэрлэгчид тэр дундаа гэр бүлийн бизнес эрхлэгчид томоохон үүрэг гүйцэтгэдэг. Мөн бүтээгдэхүүнийхээ 80 гаруй хувийг экспортолдог. Өнөө цагт дэлхийн ихэнх улс орнууд эдийн засаг, менежментийн хувьд өөр өөрийн гэсэн шинж чанартай болсон. Тиймээс бид шинэ зах зээлийг үргэлж сонирхон, хамтарч ажиллах боломжийг эрэлхийлж байдаг. Монгол улс бол тэрхүү зах зээлийн нэг юм.
Мөн энэ үеэр өмнөх төгсөгчид эх орондоо ирээд сургалтанд олж авсан мэдлэгээ хэрхэн ашиглаж, бүтээгдэхүүн үйлчилгээндээ нэвтрүүлсэн талаарх туршлагаа хуваалцсан юм.
Сургалтын 2018 оны төгсөгч, "Шилдэг туршлага"-аар шалгарсан, "EFCA Solutions" ХХК-ний гүйцэтгэх захирал Ц.Мандухай:
Бид сургалтад хамрагдах явцдаа Герман улсын томоохон аж үйлдвэр, компаниудад дээр өөрсдийн биеэр зочилж технологи, үйл ажиллагаатай нь танилцсан. Мөн сургалтаар Европын стандарт бүхий компаниудтай хэрхэн харилцаа тогтоох, Германы бизнес соёлын талаар ойлголттой болсон. Нэг үгээр бид менежерийнхээ хувьд туршлага хуримтлуулж нүд нээн эх орондоо ирээд менежментийн санаануудаа хэрэгжүүлж эхэлсэн.
Дэлхийн тэргүүлэх эдийн засагтай улс Германы өндөр түвшний менежментийг ойлголттой болсон учраас манай бизнес орчинд тэдэнтэй үр дүнтэй харилцаа тогтоох боломжийг олгосон гэж хэлж болно. Нөгөө талаас, Германд хүний нөөцийг маш сайн үнэлдэг, тэднийгээ байнга чадавхжуулдгийг анзаарсан. Энэхүү туршлагыг манай томоохон групп компаниуд авч хэрэгжүүлээд ажилтныг зүгээр нэг шалгаруулаад авах биш цаашид чадварыг нь олон талаар улам нэмж, үнэт хүний нөөц бүрдүүлэх хэрэгтэй мэт санагдсан. Монголын залуучууд, томоохон компанийн удирдах албан тушаалтнууд Герман Монголын хамтарсан уг хөтөлбөрөөр мэдлэг, туршлагаа дээшлүүлж, бизнесээ өргөжүүлэх, чадвараа нэмэх боломж маш их бий.
Мөн энэ үеэр төгсөгчдийн компаниудын эрхэлж байгаа бүтээгдэхүүн, үйлчилгээний үзэсгэлэнг дэлгэж танилцууллаа. Үүнд "Монгол Контент" ХХК, "Монос Косметик" ХХК, "АПУ" ХК, "Сүү" ХК, "Тэргэл-Орд" ХХК, "Витафит" ХХК, "Мах маркет" ХХК, "Говь" ХХК, "Гэр оймс" ХХК, "Хөгжил Трейд" ХХК гэх зэрэг Монголын томоохон компаниудын төлөөлөл, Вьетнам улсын GIZA байгууллагаас бүтээгдэхүүнээ танилцуулсан юм.
ХБНГУ-ын Засгийн газрын тэтгэлгээр зохион байгуулагддаг “Олон Улсын Түвшний Мэргэшсэн Менежер Бэлтгэх Хөтөлбөр” нь 2009 оноос хойш Монгол улсад хэрэгжиж эхэлсэн бөгөөд одоогоор манай 400 гаруй компаний удирдлага, менежерүүд амжилттай суралцаж төгсөөд байна. Өнөөдөр л гэхэд Монголын 30 менежер энэхүү хөтөлбөрийн дагуу Герман улс уруу ниссэн юм.
Монголын уул уурхайн салбарт ажиллаж байгаа менежерүүдийг Германы мэргэжилтнүүдийн чадвартай ижил түвшинд хүргэж сургая” гэж энэхүү хөтөлбөрийг анх Канцлер Ангела Меркель санаачлан эхлүүлж байсан түүхтэй
Хоёр улсын Засгийн газар хооронд байгуулсан гэрээний дагуу хоёр орны аж ахуйн нэгж, хувийн хэвшил, жижиг дунд үйлдвэр, компаниудын удирдагчдын үйл ажиллагааг дэмжих бодлогоор Монголын аж ахуй нэгж, байгууллагуудын (ААНБ) менежерүүдийг сонгон шалгаруулж Герман улсын ААНБ дээр сар гаруйн хугацаанд Германы мэргэшсэн менежерүүдийг дагалдуулан сургах, чадамжид суурилсан сургалтын “Олон улсын түвшний мэргэшсэн менежер бэлтгэх сургалт, хөтөлбөр”-т ХБНГУ-ын засгийн газрын тэтгэлгээр хамруулдаг аж.
Сургалт, хөтөлбөрийн гол зорилго нь хувийн хэвшлийн аж ахуйн нэгж, ЖДҮ, компаниудын үйл ажиллагаа тэдгээрийн хөгжлийг хурдасгах, Герман улсын шилдэг менежментийн үйл ажиллагаанаас Монголын менежерүүдийг дагалдуулан сургах замаар, ур чадварыг нь дээшлүүлж орчин үеийн шинэ техник технологи болон арга барилыг эзэмшиж өөрийн ААНБ-д нэвтрүүлэх, ХБНГУ-ын ААНБ-тай шууд холбоо тогтоох, хамтран ажиллах боломжийг нээж өгөх, худалдаа эдийн засгийн хамтын ажиллагааг өргөжүүлж хөгжүүлэхэд чиглэдэг.
Монгол улсаас ХБНГУ-д суух Элчин сайд асан Ц.Болор хэлэхдээ “Хоёр улс 2008 онд Иж бүрэн түншлэлийн харилцааны баримт бичигт гарын үсэг зурцгаасан. Мөн 2018 онд хоёр улсын нийт худалдаа 190 орчим ам.доллар болсон бөгөөд манай улсын нийт худалдааны 4.1 хувийг эзэлж байгаа нь чамлахаар тоо. 2017 онд 110 сая ам.долларын хөрөнгө оруулалтыг манай улсад хийжээ. 1990 оноос хойш ХБНГУ-ын Засгийн газар манай улсад 400 сая орчим еврогийн тусламж үзүүлсэн. Манайх тус улстай 30 жил найрсаг харилцаатай байсаар ирсэн ба цаашдын урт хугацааны хамтын ажиллагаанд худалдаа, эдийн засаг л суурь болох учир хөтөлбөрийн дагуу сургалтад хамрагдаад ирж байгаа менежер, удирдлагуудын үүрэг үүнд маш чухал нөлөөтэй” гэсэн юм.
“ХӨТӨЛБӨРТ ХАМРАГДСАН МЕНЕЖЕРҮҮД УЛСЫН ХӨГЖИЛД ҮНЭТЭЙ ХУВЬ НЭМЭР ОРУУЛАХ БОЛОВСОН ХҮЧИН ЮМ”
Монголын Ажил Олгогч Эздийн Нэгдсэн Холбооны Дэд Ерөнхийлөгч Х.Ганбаатар:
Уг хөтөлбөр маш амжилттай хэрэгжиж байгаа ба сургалтын үр өгөөж бүхий олон бодитой жишээг дурдаж болно. Жишээ нь "АПУ" ХК-ны удирдлага энэ хөтөлбөрт хамрагдаад шар айраг болон сүүний үйлдвэрийн технологийн шинэчлэлтээ германчуудтай хамтарч хийсэн. Мөн “Сүү” ХК жил гаруйн өмнө сав баглаа, техник технологио Германы технологи, мэргэжилтнүүдийн тусламжтайгаар шинэчилсэн гээд дурдаад байвал маш олон давуу тал бий.
Уг хөтөлбөрийн хэрэгжилт нь ХБНГУ-аас Монгол улсын хүний хөгжилд хувь нэмрээ оруулахад тусална гэсэн тохиролцоо бөгөөд тус улсын Канцлер Хатагтай А.Меркель 2009 онд “Монголын уул уурхайн салбарт ажиллаж байгаа менежерүүдийг Германы мэргэжилтнүүдийн чадвартай ижил түвшинд хүргэж сургая” гэж анх санаачлан энэхүү хөтөлбөрийг эхлүүлж байсан түүхтэй. Энэхүү хөтөлбөрт сонгогдож явсан менежерүүд маш чадварлаг бөгөөд улсын хөгжилд үнэтэй хувь нэмэр оруулахуйц боловсон хүчин болж бэлтгэгддэг.
"МОНГОЛ МЕНЕЖЕРҮҮДИЙН БИЗНЕС ХАРИЛЦААНЫ ЧАДВАР МАШ САЙН"
Менежер сургах хөтөлбөрийг Германы талаас “GIZ” байгууллага хариуцан ажилладаг бөгөөд тус хөтөлбөрт одоогоор дэлхийн 19 орны 13000 гаруй менежер, удирдлагууд хамрагдаад байна.
ХБНГУ-ын “AHP” группын зөвлөх мэргэжилтэн, монгол менежерүүдийг хариуцан ажилладаг Бенедикт Хартманн:
Монгол менежерүүд чадварлаг. Ялангуяа өнгөрсөн жил миний хариуцан ажилласан монголын менежерүүдийн групп хамт олон үнэхээр чадварлаг, олон улсад мэргэжил дээшлүүлсэн, сайтар бэлтгэгдсэн хүмүүс байсан. Мөн тэдний бизнес харилцааны чадвар маш сайн ба өөр улсын мэргэжилтнүүдтэй харьцуулахад уян хатан харилцаатай, илүү амбицтай санагдсан. Ихэнх улсын менежментийн бүтэц харилцан адилгүй бөгөөд тэдгээр нь өдгөө хувьсан өөрчлөгдөж шинэчлэгдсээр байна. Герман улсын эдийн засгийн хувьд жижиг дунд үйлдвэрлэгчид тэр дундаа гэр бүлийн бизнес эрхлэгчид томоохон үүрэг гүйцэтгэдэг. Мөн бүтээгдэхүүнийхээ 80 гаруй хувийг экспортолдог. Өнөө цагт дэлхийн ихэнх улс орнууд эдийн засаг, менежментийн хувьд өөр өөрийн гэсэн шинж чанартай болсон. Тиймээс бид шинэ зах зээлийг үргэлж сонирхон, хамтарч ажиллах боломжийг эрэлхийлж байдаг. Монгол улс бол тэрхүү зах зээлийн нэг юм.
Мөн энэ үеэр өмнөх төгсөгчид эх орондоо ирээд сургалтанд олж авсан мэдлэгээ хэрхэн ашиглаж, бүтээгдэхүүн үйлчилгээндээ нэвтрүүлсэн талаарх туршлагаа хуваалцсан юм.
Сургалтын 2018 оны төгсөгч, "Шилдэг туршлага"-аар шалгарсан, "EFCA Solutions" ХХК-ний гүйцэтгэх захирал Ц.Мандухай:
Бид сургалтад хамрагдах явцдаа Герман улсын томоохон аж үйлдвэр, компаниудад дээр өөрсдийн биеэр зочилж технологи, үйл ажиллагаатай нь танилцсан. Мөн сургалтаар Европын стандарт бүхий компаниудтай хэрхэн харилцаа тогтоох, Германы бизнес соёлын талаар ойлголттой болсон. Нэг үгээр бид менежерийнхээ хувьд туршлага хуримтлуулж нүд нээн эх орондоо ирээд менежментийн санаануудаа хэрэгжүүлж эхэлсэн.
Дэлхийн тэргүүлэх эдийн засагтай улс Германы өндөр түвшний менежментийг ойлголттой болсон учраас манай бизнес орчинд тэдэнтэй үр дүнтэй харилцаа тогтоох боломжийг олгосон гэж хэлж болно. Нөгөө талаас, Германд хүний нөөцийг маш сайн үнэлдэг, тэднийгээ байнга чадавхжуулдгийг анзаарсан. Энэхүү туршлагыг манай томоохон групп компаниуд авч хэрэгжүүлээд ажилтныг зүгээр нэг шалгаруулаад авах биш цаашид чадварыг нь олон талаар улам нэмж, үнэт хүний нөөц бүрдүүлэх хэрэгтэй мэт санагдсан. Монголын залуучууд, томоохон компанийн удирдах албан тушаалтнууд Герман Монголын хамтарсан уг хөтөлбөрөөр мэдлэг, туршлагаа дээшлүүлж, бизнесээ өргөжүүлэх, чадвараа нэмэх боломж маш их бий.
Мөн энэ үеэр төгсөгчдийн компаниудын эрхэлж байгаа бүтээгдэхүүн, үйлчилгээний үзэсгэлэнг дэлгэж танилцууллаа. Үүнд "Монгол Контент" ХХК, "Монос Косметик" ХХК, "АПУ" ХК, "Сүү" ХК, "Тэргэл-Орд" ХХК, "Витафит" ХХК, "Мах маркет" ХХК, "Говь" ХХК, "Гэр оймс" ХХК, "Хөгжил Трейд" ХХК гэх зэрэг Монголын томоохон компаниудын төлөөлөл, Вьетнам улсын GIZA байгууллагаас бүтээгдэхүүнээ танилцуулсан юм.
Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
66
1.jpg)
