1996 оны хулгана жилийн цагаан сараар уяачийн нэгэн шинэ цолыг бий болгож гардуулжээ. Тухайн үед төрийн наадамд 6 түрүү буюу 12 айраг авсан алдар цуутай 11 хүн манлай уяач хэмээх эрхэм цолыг хүртэв. Д.Даваахүү, Д.Гарамжав, Д.Түвдэн, С.Самдан тэргүүтэй өнгөрсөн зууны аварга уяач нарт энэхүү эрхэм дээд цолыг гардуулжээ.

Өнөө жилийн цагаан сараар 7 хүн манлай уяач цол хүртсэнээр нийтдээ 65 хүн манлай уяач хэмээх эрхэм цолыг хүртээд байна.

Гахай жилийн босгон дээр доорх долоон хүн манлай уяач цол хүртжээ.

1. Төв аймгийн Баянцагаан сумын уугуул Даваахүүгийн Баянбат
2. Завхан аймгийн Түдэвтэй сумын уугуул Гомбожавын Баярцогт
3. Улаанбаатар хотын Багахангай дүүргийн уугуул Ганбаатарын Баянтогтох
4. Орхон аймгийн Баян-Өндөр сумын уугуул Дэмбэрэлийн Дэлгэрбаяр
5. Говь-Алтай аймгийн Баян-Уул сумын уугуул Дагвадоржийн Жамъян
6. Дундговь аймгийн Хулд сумын уугуул Баярсайханы Лхагва-Очир
7. Ховд аймгийн Мянгад сумын уугуул Загджавын Мэндсайхан