“Баруун бүсийн хурд” даншиг наадам Баян-Өлгий аймагт болов. Уг даншгийн хүчит бөхийн барилдаанд улсын аварга Н.Батсуурь, улсын арслан П.Бүрэнтөгс нарын тэргүүтэй 128 бөх зодоглолоо. Олон газрын сайчуул цугласан энэхүү баяр наадамд Ховд аймгийн Буянт сумын харьяат, улсын харцага Оргихын Хангай илүүрхэн түрүүлсэн бол Баян-Өлгий аймгийн Дэлүүн сумын харьяат, аймгийн арслан Нурланы Мустафа үзүүрлэлээ.

Түүний хувьд нутагтаа болсон хоёр томоохон барилдаанд их үзүүр булаав. Их шөвгийн дөрөвт Увс аймгийн Ховд сумын харьяат, улсын аварга Н.Батсуурь, Увс аймгийн Давст сумын харьяат, улсын арслан П.Бүрэнтөгс нар шалгарсан юм.

Т.Түмэндэмбэрэл