Калифорни муж улсад болж байсан “Gilroy Garlic Festival”-ийн үеэр үл таних этгээд гал нээсний улмаас гурван хүн амиа алдаж, 15 орчим хүн гэмтжээ. Уг хэргийн бичлэг олон нийтийн сүлжээнд тавигдсан байна.

Гэмт этгээд галт зэвсгээр шүршиж эхэлсний дараа цагдаагийн ажилтан галт зэвсэгтэй этгээд рүү гал нээсэн байна. Тэрээр газар дээрээ амьсгал хураажээ. Цагдаагийн ажилтнууд уг хэргийн хоёр дахь сэжигтнийг эрэн хайх ажиллагааг үргэлжлүүлж байгаа аж.

Энэ нь АНУ-д 2019 онд үл таних этгээд олон нийтийн газар гал нээсэн 246 дахь тохиолдол болжээ. Мөн энэ онд 8,434 хүн буудуулж амиа алдсан гэх тоо баримтыг “Gun Violence Archive” байгууллагаас мэдээлсэн байна.

Уг хэрэгтэй холбогдуулан АНУ-ын ерөнхийлөгч Дональд Трамп ард иргэдээ анхаарал болгоомжтой байхыг сануулжээ. Энэ тухай твиттер хуудсандаа бичсэн аж.

Эх сурвалж: BBC