Тулгар төр байгуулагдсаны 2228 жил, Их Монгол улсын 813, Ардын хувьсгалын 98 жилийн ой, Үндэсний их баяр наадамд зориулсан “Монгол бахархал” гэрэл зургийн үзэсгэлэн өчигдөр Монголын Уран зургийн галерейд нээлээ.

Үзэсгэлэнг Үндэсний баяр наадамд зориулж Боловсрол, соёл, шинжлэх ухаан, спортын яамнаас санаачлан Соёл урлагийн газар, Монголын гэрэл зурагчдын холбоо хамтран зохион байгуулж байгаа юм. Монголын шилдэг гэрэл зурагчдын сан хөмрөг дэх нүүдэлчин соёл, уламжлал, зан заншил, ахуй байдал, бахархалт хүмүүсийг харуулсан шилдэг 50 бүтээл энд дэлгэгджээ. Үзэсгэлэн энэ сарын 15-ныг хүртэл үргэлжилнэ.