Өнгөрсөн жилийн төрийн их баяр наадмын дараа шөвгийн 16 бөхийн гурваас нь допинг илэрсэн билээ. Улсын гарьд Н.Ганбаатарт тавын даваанд унасан Баянхонгор аймгийн арслан Б.Эрдэнэхүүд улсын начин шинээр цол олгох саналыг Монгол Улсын Ерөнхийлөгчид өргөн мэдүүлээд байсан юм.

Өнөөдөр Б.Эрдэнэхүүд начин цолыг нь гардуулан өгөх юм. Допингийн асуудлаас болж даваа өгсөн улсын начин цол хүртэж байгаа анхны бөх нь Баянхонгорын Болдын Эрдэнэхүү болж байна.

Түүний аав Дорждэрэмийн Болд төрийн наадамд хоёр удаа дөрөв давж улсын аварга О.Балжинням, улсын арслан Б.Ганбат нарт унаж явсан шилдэг аймгийн арслан юм.